सुझुकी मोटारसायकल इंडिया हा देशातील एक लोकप्रिय ब्रँड आहे. कंपनीच्या अनेक टू-व्हिलर ग्राहकांच्या पसंतीस उतरल्या आहेत. त्यामध्ये सुझुकी Access 125 चा समावेश होतो. ही स्कूटर ग्राहकांना सर्वाधिक लोकप्रिय असेलली स्कूटर आहे. आता कंपनीने हीच स्कूटर एका नवीन रंगामध्ये लॉन्च केली आहे. नवीन कलर व्हेरिएंटची स्कूटर ४ ऑगस्टपासून सुझुकीच्या दुचाकी डील्सर्सकडे उपलब्ध झाली आहे.
Suzuki Access 125: काय असणार नवीन ?
सुझुकी मोटारसायकल इंडियाने Access 125 साठी एक नवीन ड्युअल-टोन कलर व्हेरिएंट सादर केला आहे. सुझुकी Access 125 आता वीन पर्ल शायनिंग बेज / पर्ल मिराज व्हाइट कलर (new Pearl Shining Beige / Pearl Mirage White) या रंगामध्ये ८५,३०० (एक्सशोरूम) रुपयांच्या सुरुवातीच्या किंमतीमध्ये लॉन्च करण्यात आली आहे. हे स्पेशल एडिशन आणि कनेक्ट एडिशन व्हेरिएंटमध्ये उपलब्ध आहे. Access 125 ची टॉप-स्पेक कनेक्ट एडिशन ब्लूटूथ-सक्षम डिजिटल कंसोलसह येते. तसेच टर्न-बाय-टर्न नेव्हिगेशन, इनकमिंग कॉल आणि एसएमएस अलर्ट इत्यादी फिचर मिळतात. याबाबतचे वृत्त Financial Express ने दिले आहे.
इंजिन आणि गिअरबॉक्स
Suzuki Access 125 मध्ये १२४ सीसी, सिंगल सिलेंडर, एअर कूल्ड, फ्युएल इंजेक्टेड इंजिन मिळते. जे ८.५ बीएचपी आणि १० एनएम टॉर्क जनरेट करते. हे इंजिन CVT सह जोडलेले आहे. ही 125cc गीअरलेस स्कूटर आता एकूण सहा प्रकारांमध्ये आणि अनेक रंगांच्या शेड्समध्ये ऑफर करण्यात आली आहे.
Suzuki Access 125 नवीन कलर व्हेरिएंटमध्ये लॉन्च करताना सुझुकी मोटरसायकल इंडियाचे कार्यकारी उपाध्यक्ष (सेल्स, मार्केटिंग आणि आफ्टर सेल्स) देवाशिष हांडा म्हणाले, “५ मिलियन सुझुकी Access चे उत्पादन आमच्यासाठी एक महत्वाचा क्षण आहे. Suzuki Access 125 हा भारतातील सर्वात लोकप्रिय स्कूटर ब्रँडपैकी एक आहे. म्हणूनच आम्ही आमच्या ग्राहकांसाठी आमचे प्रमुख मॉडेल नवीन रंगात घेऊन आलो आहोत.”
