Electric vehicle tips : या गाड्यांना कधीच करू नका १०० टक्के चार्ज! पाहा चार महत्त्वाच्या चार्जिंग टिप्स

भविष्यात याच वाहनांचा वापर सर्वाधिक होऊ शकतो, असे सध्याच्या एकंदरीत स्थितीवरून दिसते. मात्र, ही वाहने चार्ज करताना वापरकर्त्यांनी काही महत्त्वाच्या गोष्टींकडे लक्ष दिले पाहिजे. गाडी १०० टक्के चार्ज करणे, वाहन वापरल्यानंतर लगेचच त्याची बॅटरी चार्जिंगला लावणे, ती संपूर्ण ड्रेन करणे [शून्य टक्क्यावर आणणे] किंवा सतत चार्ज करीत राहणे यांसारख्या सामान्य गोष्टी जर तुम्ही करीत असाल, तर वेळीच थांबा. इलेक्ट्रिक वाहनांना योग्य पद्धतीने चार्ज कसे करायचे ते पाहा.

आणखी वाचा

Oben Electric Rorr EZ : आता बदलतं तापमान सहन करणार तुमची इलेक्ट्रिक बाईक; ‘या’ दिवशी होणार लाँच, पाहा कसे असतील फीचर्स

ई-चलन घोटाळ्यापासून सावध रहा! ट्रॅफिक चलनच्या नावाखाली होतेय…

Car Sales In Festive Season Low : सणासुदीच्या हंगामात ग्राहकांनी गाड्यांकडे फिरवली पाठ; विक्री झाली १८ टक्क्यांनी कमी, नेमकं कारण काय?

Diwali Driving Tips : दिवाळीच्या दिवसांत सुरक्षित प्रवास करण्यासाठी गाडी चालविताना फॉलो करा ‘या’ पाच टिप्स

Maruti Suzuki Dzire 2024 : दिवाळीनंतर नवी डिझायर येतेय ग्राहकांच्या भेटीला! जाणून घ्या हटके डिझाइन अन् भन्नाट फीचर्स

नाद करायचा नाय! Royal Enfield आणतेय ‘ही’ नवीकोरी बाईक, कमाल फिचर्स, दमदार परफॉरमन्स अन् किंमत…

Royal Enfield Goan Classic 350 नोव्हेंबरमध्ये लाँच होणार, जाणून घ्या फीचर्स अन् डिझाइन

बजाज पल्सरला टक्कर द्यायला आली ‘TVS’ची ही बाईक, जास्त मायलेजसह मिळतील खास फिचर्स

Diwali Discount On Aprilia Bike : झिरो डाउन पेमेंट, तीन वर्षांची वॉरंटी आणि बरंच काही… दिवाळीत ही खास बाईक खरेदी करण्याची तुमच्याकडे संधी

हेही वाचा : Traffic tips : शहरातील रोजच्या ट्रॅफिकचा त्रास कसा टाळावा? पाहा या सोप्या ट्रिक्स

१. बॅटरी ओव्हरचार्ज करू नये

जवळपास सगळ्यांनाच कोणतीही इलेक्टिक वस्तू १००% चार्ज करण्याची सवय असते. मात्र, अशा सवयीचा परिणाम तुमच्या बॅटरीच्या आरोग्यावर होत असतो. वाहनांची बॅटरी कधीही संपूर्णपणे चार्ज करू नका. खरे तर गाड्यांमध्ये बसविलेल्या बॅटरीमधील लिथियम आयन हे केवळ ३० ते ८० टक्के चाजिंगवर सर्वोत्तम काम करते. परंतु, सातत्याने बॅटरी संपूर्णपणे म्हणजे १०० टक्के चार्ज केल्याने त्यांवर ताण येऊ शकतो. त्यामुळे शक्यतो इलेक्ट्रिक वाहने ८० टक्क्यांपर्यंतच चार्ज करावीत.

२. बॅटरी संपूर्णतः ड्रेन होऊ देऊ नये

तुमच्या गाडीतील बॅटरी कधीही पूर्णपणे ड्रेन होऊ देऊ नका. म्हणजे गाडी शून्य टक्क्यावर आणू नये. सतत गाडी ड्रेन होत असेल, तर त्याचा परिणाम बॅटरीच्या आरोग्यावर होतो. त्यामुळे जेव्हा तुमचे वाहन २० टक्क्यांच्या जवळपास असेल तेव्हा ते चार्ज करणे योग्य राहील. गाड्यांच्या बॅटरीवर शून्यापासून चार्ज होण्यासाठी ताण येऊ शकतो. त्यामुळे असे होणार नाही याची काळजी घ्या.

३. वाहन चालविल्यानंतर ताबडतोब बॅटरी चार्ज करू नये

गाडी चालविताना लिथियम आयन बॅटरीज मोटारला पॉवर देताना प्रचंड प्रमाणात उष्णता निर्माण करतात. त्यामुळे त्यांना ताबडतोब चार्ज करणे धोकादायक असू शकते; तसेच वाहनांमध्ये थर्मल प्रॉब्लेम निर्माण होऊ शकतात. म्हणून बॅटरी साधारण अर्ध्या तासाने किंवा थंड झाल्यानंतरच ती चार्ज करावी.

हेही वाचा : Bike tips : वाहन चोरांपासून सावधान! दुचाकी चोरी होऊ नये म्हणून काय करावे? या उपयुक्त टिप्स पाहा

४. सतत चार्जिंग करू नये

वाहनाची बॅटरी सतत थोड्या-थोड्या वापरानंतर चार्ज करण्याची अनेकांना सवय असते. मात्र, त्यामुळे तुमच्याच वाहनाच्या बॅटरीचे आयुष्य कमी होते. कोणतीही बॅटरी कालांतराने खराब होणार असली तरीही सतत चार्जिंग केल्याने ती गरजेपेक्षा अधिक लवकर खराब होते आणि परिणामत: तिचे आयुष्य लवकर संपते. तसेच त्याचा परिणाम बॅटरीच्या कार्यक्षमतेवरदेखील होतो. त्यामुळे गरज असेल तेव्हाच बॅटरी चार्ज करावी हे सर्वांनी लक्षात ठेवायला हवे.

आपल्या इलेक्ट्रिक वाहनांची, त्यांच्या बॅटरीची काळजी घेण्यासाठी या चार सोप्या; पण तितक्याच महत्त्वाच्या टिप्स लक्षात ठेवा. वरील टिप्सबद्दलची माहिती ही हिंदुस्थान टाइम्सच्या एका लेखाद्वारे मिळाली आहे.