Tata Altroz iCNG bookings open: Tata Motors ने भारतीय बाजारपेठेत आपली Tata Altroz CNG कार (Tata Altroz iCNG) बुक करणे सुरू केले आहे. विशेष म्हणजे ही भारतातील पहिली कार आहे जी ट्विन सिलेंडर सीएनजी तंत्रज्ञानासह आणली गेली आहे. Tata Altroz ही भारतातील सर्वात सुरक्षित प्रीमियम हॅचबॅक आहे, जी आता पेट्रोल आणि डिझेल व्यतिरिक्त CNG अवतारात खरेदी केली जाऊ शकते. यासह, सीएनजीसह उपलब्ध असलेली टाटाच्या पोर्टफोलिओमधील ही चौथी कार आहे. याआधी कंपनी सीएनजी अवतारात टाटा टियागो, टाटा टिगोर आणि टियागो एनआरजी देखील विकत आहे.
ट्विन सिलेंडर सीएनजी म्हणजे काय?
वास्तविक, सीएनजी कारमध्ये अनेकदा बूट स्पेस संपण्याची समस्या असते. कारला मागील बाजूस ६०-लिटरचा CNG सिलेंडर मिळतो, ज्यामुळे सर्व बूट स्पेस त्यात जाते. अशा परिस्थितीत टाटा मोटर्सने ट्विन सिलेंडर सीएनजी तंत्रज्ञान आणले आहे. या अंतर्गत, एका मोठ्या सिलेंडरचे दोन भाग केले जातात. टाटाने आपल्या कारमध्ये ३०-३० लिटरचे दोन सीएनजी सिलिंडर दिले आहेत, ज्यामुळे ग्राहकांना चांगली बूट स्पेस मिळणार आहे.
टाटा मोटर्सचे म्हणणे आहे की, सीएनजी किट असूनही कारला ३०० लिटरपेक्षा जास्त बूट स्पेस मिळेल. जुळ्या सिलिंडरसाठी जागा उपलब्ध करून देण्यासाठी कंपनीने बूट स्पेसखाली ठेवलेले सुटे चाक काढून टाकले आहे. कंपनीने Tata Altroz CNG ला एकूण चार प्रकारांमध्ये आणले आहे, ज्यात XE, XM+, XZ आणि XZ+ यांचा समावेश आहे. या विभागात मारुती सुझुकी बलेनो आणि टोयोटा ग्लान्झा यांच्या CNG अवतारांशी स्पर्धा होईल.
(हे ही वाचा : नवीन कार खरेदी करताय? मारुतीकडून पुन्हा ‘गुड न्यूज’, ‘या’ चार कारवर मिळतोय बम्पर डिस्काउंट )
वैशिष्ट्ये आणि मायलेज
Altroz iCNG च्या केबिनमध्ये लेदरेट सीट्स, iRA कनेक्टेड कार टेक्नॉलॉजी, क्रूझ कंट्रोल यासारखे फीचर्स असतील. कारमध्ये १.२-लिटर पेट्रोल इंजिन दिले जाईल, जे Tiago आणि Tigor CNG मॉडेलमध्ये देखील उपलब्ध आहे. मॅन्युअल गिअरबॉक्सशी जोडलेले, हे इंजिन CNG मोडमध्ये ७३ Bhp आणि ९५ Nm निर्मिती करते. Altroz CNG ची इंधन कार्यक्षमता सुमारे २७ किमी/किलो असणे अपेक्षित आहे.
‘इतक्या’ रुपयात करा बुकींग
ग्राहक ही कार २१,००० मध्ये बुक करू शकतात. मे २०२३ पासून या कारची विक्री सुरु केली जाणार आहे.
