टाटा मोटर्सच्या सर्वात लोकप्रिय कारपैकी एक असलेल्या Tata Nexon ने ५ लाख कारच्या विक्रीचा टप्पा पार केला आहे. २०१७ मध्ये लॉन्च झाल्यापासून ५ लाख कार विक्री गाठण्यासाठी सहा वर्षांपेक्षा कमी कालावधी लागला आहे. नेक्सॉनने सप्टेंबर २०२२ मध्ये ४ लाख कार मैलाचा दगड ओलांडून ७ महिन्यांपेक्षा कमी कालावधीत शेवटच्या १ लाख कार प्लांटमधून बाहेर पडल्या. अधिक प्रभावीपणे, लोकप्रिय सबकॉम्पॅक्ट एसयूव्हीचे शेवटचे ३ लाख युनिट २४ महिन्यांपेक्षा कमी कालावधीत बनवले गेले आहेत. SUV सेगमेंटमध्ये ५ स्टार रेटिंग असणारी SUV निवडक संख्येमध्येच उपलब्ध आहेत. ज्यामध्ये टाटा मोटर्स आणि महिंद्रा कंपनीची एसयूव्ही सर्वात जास्त उपलब्ध आहेत. . टाटा नेक्सॉन या सर्वोत्कृष्ट सुरक्षा रेटिंग SUV च्या श्रेणीमध्ये येते. आकर्षक डिझाइन, वैशिष्ट्ये, सुरक्षितता, मायलेज आणि कमी बजेटमध्ये सनरूफ सारख्या प्रीमियम फीचर्ससह येते. हेही वाचा : Tata Motor Price Hike: ग्राहकांसाठी मोठी बातमी! टाटा मोटर्स आपल्या कारच्या किंमतीत ‘या’ तारखेपासून करणार वाढ तुम्ही मिड-रेंज S SUV देखील शोधत असाल, तर पर्याय म्हणून, Tata Nexon च्या बेस मॉडेलची किंमत, फीचर्स, इंजिन आणि फायनान्स प्लॅन जाणून घ्या. Tata Nexon Price Tata Nexon Everai च्या बेस मॉडेलची सुरुवतीची किंमत ७,७९,९०० रूपये आहे. तसेच या गाडीची किंमत ऑन रोड किंमत ही ८,७५,३६७ रुपये इतकी आहे. Tata Nexon - (image Credit-Financial Express) Tata Nexon चा फायनान्स प्लॅन Tata Nexon गाडी खरेदी करण्यासाठी जर का तुमच्याकडे ८ लाख रुपयांचे बजेट नसेल तर तुम्ही खाली दिलेल्या फायनान्स प्लॅनद्वारे या गाडीला ९९ हजार रुपयांमध्ये आपल्या घरी घेऊन जाऊ शकता. ऑनलाईन पेमेंट आणि EMI चा विचार केल्यास जर तुमच्याकडे ९९ हजार रुपये आहेत. तसेच या गाडीचा मासिक हप्ता तुम्ही भरू शकत असाल तर तुम्ही या गाडीची खरेदी करण्यासाठी बँक तुम्हाला ७,७६,३६७ रुपयांचे कर्ज देऊ शकते. Tata Nexon च्या बेस मॉडेलबद्दल आपण इथे बोलत आहेत. कर्ज मंजूर झाल्यानंतर ९९ हजार रुपये या एसयूव्हीला खरेदी करण्यासाठी डाऊन पेमेंट भरावे लागणार आहे. तसेच बँकेने मंजूर केलेलं कर्ज फेडण्यासाठी ५ वर्षांच्या काळामध्ये तुम्हाला १६, ४१९ रुपये इतका हप्ता प्रत्येक महिन्याला भरावा लागणार आहे. हेही वाचा : Aston Martin ने लॉन्च केले आतापर्यंतचे ‘हे’ सर्वात शक्तिशाली मॉडेल; ‘इतक्या’ युनिट्सचीच होणार विक्री इंजिन आणि मायलेज टाटा मोटर्सने या एसयूव्हीमध्ये ११९९ सीसीचे इंजिन दिले आहे. जे ११८.३५ बीएचपी आणि १७० एमएमचे पीक टॉर्क जनरेट करते. या इंजिनला ५-स्पीड मॅन्युअल गिअरबॉक्स जोडण्यात आलेला आहे. tata nexon कार ही एक लिटर पेट्रोलमध्ये १७ ते १८ किमीच्या दरम्यान मायलेज देते असा कंपनीचा दावा आहे. या मायलेजला ARAI द्वारे प्रमाणित करण्यात आले आहे. महत्वाची टीप : वर दिलेल्या माहितीच्या आधारे गाडी खरेदी करत असताना पूर्ण चौकशी करूनच कोणताही आर्थिक व्यवहार करावा.
