Tata Cars Discounts in July 2024: देशातील प्रमुख वाहन निर्माता कंपनी टाटा मोटर्सने आपली बहुप्रतिक्षित कुपे-स्टाईल इलेक्ट्रिक एसयुव्ही Tata Curvv EV नुकतीच लाँच केली. ज्याची एक्स शोरूम किंमत १७.४९ लाख रुपये आहे. टॉप मॉडेलसाठी ही किंमत २१.९९ लाख रुपयांपर्यंत जाते. कंपनीने नवीन ईव्ही जबरदस्त स्टाईल आणि डिझाइनसह सादर केली.  ही कार १५० किमीची रेंज देते. याच्या बॅटरीला ७०kW च्या चार्जरने फक्त ४० मिनिटात ८० टक्क्यांपर्यंत चार्ज केलं जाऊ शकतं. एकाच चार्जवर ही कार ५८५ किमीपर्यंत ड्रायव्हिंग रेंज देते. ही कार लाँच करताच टाटाने बाजारपेठेत खळबळ उडवून दिली आहे. कंपनीने आपल्या लोकप्रिय कारवर सूट जाहीर केलं आहे. आता तुम्हाला टाटाच्या कार स्वस्तात खरेदी करण्याची संधी मिळू शकते.

टाटाने आपल्या सध्याच्या Nexon EV वर मोठ्या प्रमाणात सूट दिली आहे. याचा अर्थ, जर तुम्हाला Curvv EV आवडत नसेल, तर तुम्ही सध्याची Nexon इलेक्ट्रिक SUV खरेदी करून पैशांची बचत करू शकता. मात्र ही ऑफर ३१ ऑगस्टपर्यंतच लागू असेल, असे कंपनीने नमूद केले आहे.

आणखी वाचा
smart wearables loksatta article
कुतूहल: स्मार्ट परिधानीय (स्मार्ट वेअरेबल्स)
IND vs NZ AB de Villiers on Rishabh Pant Controversial Dismissal
IND vs NZ : ऋषभ पंतच्या वादग्रस्त विकेटवर…
Nvidia founder Jensen Huang success story from waiter to one of the highest paid ceos richer than Mukesh ambani and Gautam adani
अंबानी, अदानी यांच्यापेक्षाही श्रीमंत व्यक्तीनं एकेकाळी केलं होतं वेटरचं काम; वाचा प्रसिद्ध कंपनीच्या सीईओचा प्रवास
bhajaniche rolls
Diwali Faral Special : खुसखुशीत भाजणी रोल! या दिवाळीत बनवा बनवा हटके रेसिपी
Orange Gate, Marine Drive, twin tunnel, Atal Setu, MMRDA
दुहेरी बोगद्याचा टोल ‘अटल सेतू’वरच, ऑरेंज गेट – मरिन ड्राईव्ह बोगद्यासाठी आकारणी, पूर्वमुक्त मार्गावरून जाणाऱ्या वाहनांना मात्र सूट
Royal Enfield Goan Classic 350
Royal Enfield Goan Classic 350 नोव्हेंबरमध्ये लाँच होणार, जाणून घ्या फीचर्स अन् डिझाइन
TVS Raider iGO variant launched know its features price mileage and ride modes
बजाज पल्सरला टक्कर द्यायला आली ‘TVS’ची ही बाईक, जास्त मायलेजसह मिळतील खास फिचर्स
Micron thread and saree cloth lanterns are most in demand thane news
परतीच्या पावसातही पर्यायी पर्यावरणपूरक कंदील; मायक्रोन धागा आणि साडीच्या कपड्यांच्या कंदीलांना सर्वाधिक मागणी

Nexon EV वर किती रुपयांची सूट?

Tata Nexon EV च्या बेस मॉडेलवर १०,००० रुपयांची सूट दिली जात आहे तर त्याच्या टॉप मॉडेलवर १.८० लाख रुपयांची सूट दिली जात आहे. Nexon EV पूर्ण चार्ज केल्यावर ३२५ किलोमीटर ते ४६५ किलोमीटरची रेंज ऑफर करते. Nexon EV ची किंमत रु. १७.४९ लाख ते रु. १७.९९ लाखांपर्यंत आहे, परंतु ही किंमत त्याच्या मोठ्या बॅटरी पॅकसाठी आहे.

नेक्सॉन पेट्रोलवर किती रुपयांची सूट?

यापूर्वी, टाटा मोटर्सने त्यांच्या नेक्सॉन रेंजवर १ लाख रुपयांपर्यंत सूट दिली होती, जी अजूनही सुरू आहे. Nexon ची एक्स-शोरूम किंमत ८ लाख ते १५.८० लाख रुपये आहे. याबद्दल बोलायचे झाल्यास, यात १.२ लीटर टर्बो पेट्रोल इंजिन आहे जे १२० एचपी पॉवर देते तर १.५ लीटर डिझेल इंजिन ११५ एचपी पॉवर देते. Nexon थेट Kia Sonet, Hyundai Venue आणि Maruti Brezza शी स्पर्धा करते.

टियागोसह सफारीवर सवलत

ऑगस्ट महिन्यात तुम्हाला टाटाच्या छोट्या कारवर टियागो ते सफारीपर्यंत चांगली सूट मिळेल. या महिन्यात, Tiago वर ६०,००० रुपयांची सूट दिली जात आहे, तर तुम्ही सेडान कार Tigor वर ५५,००० रुपये वाचवू शकता. या दोन्ही कारमध्ये १.२L पेट्रोल इंजिन आहे.

सफारीवर कंपनी १.६५ लाख रुपयांची सूट देत आहे. सफारीची किंमत १६.१९ लाख ते २७.३४ लाख रुपयांपर्यंत आहे. या SUV मध्ये २.० लीटर, ४ सिलेंडर टर्बो डिझेल इंजिन आहे जे १७० hp पॉवर आणि ३५० Nm टॉर्क निर्माण करते. यामध्ये ६ स्पीड मॅन्युअल आणि ६ स्पीड ऑटोमॅटिक गिअरबॉक्सची सुविधा आहे. सफारी अनेक प्रगत वैशिष्ट्यांनी सुसज्ज आहे. पंचवर १८,००० रुपयांची सूट दिली जात आहे. या सवलतींबद्दल अधिक माहितीसाठी, तुम्ही टाटा डीलरशीपशी संपर्क साधू शकता.