Tesla ने मुलांसाठी लॉन्च केली इलेक्ट्रिक सायबरक्वाड बाइक; किंमत आणि फिचर्स जाणून घ्या

सायबरक्वाड बाइकची डिझाइन सायबरट्रकपासून प्रेरणा घेत तयार केल्याचं दिसतंय. सायबरक्वाड तयार करण्यासाठी स्टील फ्रेमचा वापर करण्यात आला आहे. तसेच चालवण्यासाठी आरामदायी वाटावं म्हणून उत्तम आसनव्यवस्था दिली आहे. गाडीला डिस्क ब्रेक आणि एलईडी लाइटसारखी वैशिष्ट्ये दिली आहेत. सायबरक्वाडमध्ये लिथियम आयन बॅटरीचा वापर केला आहे. त्यामुळे २४ किमी अंतर कापू शकते. गाडीचा वेग प्रतितास १६ किमी आहे. तसेच आवश्यकता असल्यास पालकांकडून वेग कमी केला जाऊ शकतो. सायबरक्वाडमध्ये तीन स्पीड सेटिंग्स आहेत गाडी चार्ज होण्यासाठी ५ तासांचा अवधी लागतो. एका चार्जिंगनंतर गाडी किती धावणार हे वापरकर्त्याच्या वजन आणि रायडिंग शैलीवर अवलंबून आहे.

बजाज दुचाकींची मागणी वाढली; हिरो मोटोकॉर्पला मागे टाकत अव्वल स्थानी

सायबरक्वाडची किंमत १९०० अमेरिकन डॉलर इतकी आहे. म्हणजेच जवळपास १.४२ लाख रुपये असेल. येत्या दोन ते तीन आठवड्यात सायबरक्वाडची डिलिव्हरी सुरू होणार आहे.