2023 Ather 450X launched: बेंगळुरूच्या EV स्टार्ट-अप Ather Energy ने त्यांची इलेक्ट्रिक स्कूटर 450X अपडेट केली आहे. नवीन अवतारामध्ये, नवीन रंग पर्यायांसह एक सॉफ्टवेअर अद्यतन देखील दिले गेले आहे. विशेष बाब म्हणजे, ते फुल चार्जमध्ये सुमारे १५०KM ची रेंज देते.
2023 Ather 450X: नवीन काय आहे?
अद्ययावत Ather 450X चार नवीन रंग पर्यायांसह एकूण ६ रंगांमध्ये उपलब्ध करून देण्यात आले आहे. कॉस्मिक ब्लॅक, लुनर ग्रे, सॉल्ट ग्रीन, रॅव्हिशिंग रेड, स्पेस ग्रे आणि स्टिल व्हाईट हे त्याचे नवीन रंग पर्याय आहेत. Ather Energy ने AtherStack ५.० सॉफ्टवेअर अपडेट देखील जारी केले आहे, जे डॅशबोर्ड, Google-चालित वेक्टर नकाशे आणि ऑटो होल्ड (हिल होल्ड) साठी नवीन UI ऑफर करते. कंपनीने खुलासा केला की, क्रूझ कंट्रोल, क्रॉल कंट्रोल आणि प्रगत री-जेन वैशिष्ट्ये सध्या चाचणीत आहेत आणि लवकरच ती आणली जातील.
(हे ही वाचा : Auto Expo 2023: मेड इन इंडिया! जगातील पहिला सेल्फ बॅलेन्सिंग टेक्नोलॉजीसोबत येणारा ई-स्कूटर लाँच; व्हिडीओ पाहून म्हणाल…)
Ather 450X: बॅटरी
Ather 450X Gen 3 मध्ये 6 kW इलेक्ट्रिक मोटरसह ३.७ kWh लिथियम-आयन बॅटरी पॅक आहे. पूर्ण चार्जमध्ये १४६ किमीची राइडिंग रेंज ऑफर करण्याचा आणि २६ एनएमचा पीक टॉर्क जनरेट करण्याचा दावा करते.
Ather 450X: किंमत
कंपनीने नवीन Ather 450X इलेक्ट्रिक स्कूटरची किंमत १.४२ लाख रुपये (एक्स-शोरूम, दिल्ली) ठेवली आहे. कंपनीच्या वेबसाइटवर किंवा तुमच्या जवळच्या Ather शोरूमला भेट देऊन ते ऑनलाइन बुक केले जाऊ शकते.
