Yamaha R15 V4 Dark Knight edition Launched: यामाहा स्टायलिश स्पोर्ट्स बाईक्सच्या निर्मितीसाठी जगभरात प्रसिद्ध आहे. कंपनीच्या R15 सारख्या बजेट स्पोर्ट्स बाईक्सना भारतात खूप मागणी आहे. अलीकडेच, कंपनीन R15 V4 चे ‘डार्क नाईट एडिशन’ सादर केले. यामाहा R15 V4 डार्क नाईट एडिशनमध्ये स्टँडर्ड मॉडेलपेक्षा विशेष काय आहे? चला तर जाणून घेऊया…
यामाहा R15 V4 डार्क नाईट एडिशनमध्ये सोनेरी हायलाइट्ससह ब्लॅक बॉडी पेंटचा वापर करण्यात आला असून तो आकर्षक लुक देतो. बाईकच्या अलॉय व्हीलला गोल्डन पेंट मिळतो आणि लोकांना गोल्डन हायलाइट्स मिळतात. सध्या, R15 V4 चार रंगांमध्ये उपलब्ध आहे. या चारही रंगाच्या किमतीमध्ये फरक आहे.
इंजिन आणि शक्ती
कंपनीने R15 V4 डार्क नाईट एडिशनच्या इंजिन आणि पॉवरमध्ये कोणताही बदल केलेला नाही, ते त्याच्या मानक मॉडेलप्रमाणेच वैशिष्ट्ये आणि डिझाइनसह येते. इंजिनबद्दल बोलायचे झाल्यास, R15 V4 डार्क नाईट एडिशन १५५cc लिक्विड कूल्ड, ४ वाल्व इंजिन वापरते जे १८.४hp पॉवर आणि १४.२Nm टॉर्क जनरेट करते. बाईकला स्लीपर क्लचसह ६ स्पीड गिअरबॉक्स देण्यात आला आहे.
(हे ही वाचा : देशातील ‘या’ सर्वात स्वस्त सेडान कारवर अख्खा देश फिदा, अनेक कार्सना टाकलं मागे, मायलेज ३१ किमी )
सस्पेंशन आणि फ्रेम
कंपनी R15 V4 मध्ये डेल्टा बॉक्स फ्रेम वापरते, ज्यामुळे बाईकला उत्कृष्ट स्थिरता मिळते. आरामासाठी, बाईक समोर USD टेलिस्कोपिक फॉर्क्स आणि मागील बाजूस मोनोशॉक सस्पेंशन युनिट वापरते. उत्तम सुरक्षेसाठी ही बाईक ड्युअल डिस्क ब्रेक आणि ड्युअल चॅनल एबीएसने सुसज्ज आहे.
Yamaha R15 V4 Dark Knight edition किंमत
ही बाईक भारतीय बाजारात १.८२ लाख रुपयांच्या एक्स-शोरूम किंमतीत सादर करण्यात आली आहे.
किमतीनुसार, Yamaha R15 V4 भारतीय बाजारपेठेत Suzuki Gixxer SF250 आणि KTM RC 200 शी स्पर्धा करते. Hero MotoCorp लवकरच या सेगमेंटमध्ये Yamaha R15 V4 ला टक्कर देण्यासाठी पूर्ण-फेअर करिझ्मा XMR लाँच करण्याचा विचार करत आहे.
