Top Sportiest Bikes in India: भारतात बाईक्सची क्रेझ खूप वेगाने वाढत आहे, अशा परिस्थितीत सर्व दुचाकी उत्पादक कंपन्या रोज नवनवीन बाईक्स लाँच करत आहेत. त्यामुळे जर तुम्ही सुद्धा बाईक प्रेमी असाल आणि स्वस्तात चांगली बाईक मिळवू इच्छित असाल तर आज आम्ही तुम्हाला कमी किमतीत अशा तीन बाइक्सबद्दल सांगणार आहोत, ज्या पॉवरफुल इंजिनसोबतच चांगला मायलेज देतात. जर तुमचे बजेट दोन लाखांपेक्षा कमी असेल तर तुम्ही ही बाईक खरेदी करू शकता.

आर्काइव्हमधील सर्व बातम्या मोफत वाचण्यासाठी कृपया रजिस्टर करा
ई-मेल द्या, नी साइन-अप करा
Already have a account? Sign in

‘या’ बाईक आहेत बेस्ट

KTM 200 Duke

ऑस्ट्रियातील बाईक निर्माता कंपनी केटीएम बाईकचे तरुणांना वेड आहे, मुलांसोबतच मुलीनांही या बाईकचे वेड लागले आहेत. या बाईकमध्ये तुम्हाला १९९.५ cc इंजिन देण्यात आले आहे जे २४.६७ bhp पॉवर जनरेट करते. कंपनीचा दावा आहे की, ही बाईक ३३ किमी मायलेज देते. या बाईकमध्ये कंपनी तुम्हाला ९.२ लीटरची इंधन टाकी देते, तसेच या बाईकचे एकूण वजन १५९ किलो आहे.

(हे ही वाचा : आली रे आली, देशातील सर्वात लहान आणि स्वस्त इलेक्ट्रिक कार बाजारपेठेत दाखल, Apple iPod सारखं कंट्रोल पॅनल अन्…)

Bajaj Pulsar RS 200

Pulsar RS 200 बजाजच्या सर्वाधिक विकल्या जाणार्‍या स्पोर्ट्स बाईकपैकी एक, ही बाईक देखील बाजारात कमी लोकप्रिय नाही. या बाईकमध्ये तुम्हाला १९९.५cc इंजिन मिळेल जे २४.१bhp पॉवर जनरेट करते. मायलेजबद्दल बोलत असताना, बजाजने दावा केला आहे की, ही बाईक ३५ किमी मायलेज देईल, परंतु अनेक रिपोर्ट्समध्ये असा दावा केला जातो की जर तुम्ही ही बाईक त्याच वेगाने चालवली तर ही बाईक ४० किमी पर्यंतचा मायलेज देईल.

Yamaha Mt 15 V2

कमी किमतीत चांगली बाईक घेण्याबाबत बोलायचे झाले तर त्यात यामाहाचे नाव येत नाही असे होऊ शकत नाही. अलीकडेच कंपनीने भारतात एक नवीन बाइक लाँच केली आहे, तेव्हापासून तिच्या विक्रीने सर्व रेकॉर्ड मोडले आहेत. कमी किंमत आणि दमदार इंजिनमुळे लोकांना ही बाईक खूप आवडते. यामध्ये यामाहाने १५५cc इंजिन दिले आहे, जे १८.१bhp पॉवर जनरेट करण्यास सक्षम आहे. जर आपण त्याच्या मायलेजबद्दल बोललो तर कंपनीच्या मते, या बाईकमध्ये तुम्हाला ४७.५ मायलेज मिळेल.

TVS Raider

125cc सेगमेंटमध्ये या बाईकमध्ये सर्वाधिक वैशिष्ट्ये उपलब्ध आहेत. TVS Raider ची सुरुवातीची किंमत ९३,७१९ रुपये आहे. Raider १२४.८cc, सिंगल-सिलेंडर, एअर आणि ऑइल-कूल्ड आणि इंधन-इंजेक्टेड इंजिनसह सुसज्ज आहे. ही मोटर ११.२ Bhp आणि ११.२ Nm पीक टॉर्क निर्माण करते, जी ५-स्पीड गिअरबॉक्सशी जोडली जाते.

First published on: 20-04-2023 at 13:20 IST
TOPICSऑटोAutoबाईकBike
मराठीतील सर्व ऑटो बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Top 4 sportiest 125cc bikes in india bajaj pulsar rs 200 to ktm 125 duke yamaha mt 15 v2 check out the sportiest 125cc bikes pdb