Auto Sales January 2023: ग्राहक ‘या’ कारची करतायत जोरदार खरेदी, कंपनीने जानेवारीमध्ये केली १२,८३५ वाहनांची विक्री

शिवाय, डिसेंबर २०२२ च्या तुलनेत कंपनीने १०,४२१ युनिट्सची विक्री करताना 23 टक्के वाढही नोंदवली आहे. टोयोटाच्या विक्रीतील वाढीचे श्रेय नव्याने लाँच झालेल्या अर्बन क्रूझर Hyryder SUV ला दिले जाऊ शकते. शिवाय, टोयोटा फॉर्च्युनर आणि ग्लान्झा यांचाही कार निर्मात्याच्या एकूण विक्रीत मोठा वाटा आहे.

(हे ही वाचा : बसपासून ते कारपर्यंत! १ एप्रिलपासून ९ लाख सरकारी वाहने भंगारात, नितीन गडकरींची घोषणा )

कामगिरीबद्दल भाष्य करताना, टोयोटा किर्लोस्कर मोटर्सचे उपाध्यक्ष, अतुल सूद म्हणाले, “टोयोटा किर्लोस्कर मोटरसाठी २०२२ हे वर्ष सकारात्मकतेने संपले. कंपनीने गेल्या दशकात सर्वाधिक घाऊक विक्री केल्यामुळे, नवीन वर्षात मोठ्या उत्साहाने आणि आशावादाने पाऊल ठेवले आहे. महिना-दर-महिना १७५ टक्क्यांच्या मजबूत वाढीसह, आम्ही या वर्षी ग्राहकांच्या मागणीला आणखी गती देऊ, असे ते म्हणाले.

गेल्या महिन्यात, टोयोटाने अद्ययावत इनोव्हा क्रिस्टलच्या डिझेल प्रकारांसाठी अधिकृतपणे ऑर्डर स्वीकारण्यास सुरुवात केली आणि लवकरच त्याच्या किमती जाहीर केल्या जातील. कंपनीने नवीन अर्बन क्रूझर Hyryder CNG देखील लॉन्च केले आहे, ज्याची एक्स-शोरूम १३.२३ लाख रुपयांची प्रारंभिक किंमत आहे. टोयोटाने ऑटो एक्सपो 2023 मध्ये देखील भाग घेतला आणि अनेक मॉडेल्सचे प्रदर्शन केले.