‘या’ दोन टू व्हीलर कंपन्यांचा बाजारात धुमाकूळ; ३० दिवसात विकल्या ‘इतक्या’ बाईक्स, खरेदीसाठी ग्राहकांच्या रांगा

TVS मोटर कंपनीची एकूण विक्री ऑक्टोबरमध्ये वार्षिक २१ टक्के वाढून ४ लाख ३४ हजार ७१४ युनिट्सवर गेली आहे. ऑक्टोबर २०२२ मध्ये कंपनीची किरकोळ विक्री ३ लाख ६० हजार २८८ युनिट्स होती. TVS मोटर कंपनीने सांगितले की, ऑक्टोबरमध्ये दुचाकींची विक्री २२ टक्क्यांनी वाढून ४ लाख २० हजार ६१० युनिट झाली आहे, जी एका वर्षापूर्वी याच कालावधीत ३ लाख ४४ हजार ६३० युनिट्स होती. देशांतर्गत बाजारपेठेत दुचाकींची विक्री ऑक्टोबरमध्ये २५ टक्क्यांनी वाढून ३४४,९५७ युनिट्सवर पोहोचली, जी ऑक्टोबर २०२२ मध्ये २ लाख ७५ हजार ९३४ युनिट होती.

(हे ही वाचा : दिवाळीला स्वस्तात खरेदी करा ३२kmpl मायलेज देणारी मारुतीची सर्वाधिक विक्री होणारी कार, किती असेल EMI पाहा )

ऑक्टोबर २०२२ मध्ये मोटरसायकल विक्री १ लाख ६४ हजार ५६८ युनिट्सवरून २३ टक्क्यांनी वाढून २ लाख ०१ हजार ९६५ युनिट्सवर पोहोचली. स्कूटरची विक्री मागील वर्षीच्या याच कालावधीत १ लाख ३५ हजार १९० युनिट्सच्या तुलनेत २२ टक्क्यांनी वाढून १ लाख ६५ हजार १३५ युनिट्सवर गेली आहे.

ऑक्टोबरमध्ये बजाज ऑटोच्या विक्रीत १९ टक्क्यांनी वाढ

ऑक्टोबर २०२२ मध्ये बजाज ऑटोची एकूण विक्री वार्षिक १९ टक्क्यांनी वाढून ३ लाख ९५ हजार २३८ युनिट्सवरून ४ लाख ७१ हजार १८८ युनिट्स झाली. बजाज ऑटो लिमिटेडने दिलेल्या माहितीनुसार, ऑक्टोबरमध्ये डीलर्सना पाठवलेल्या युनिट्सची संख्या ३६ टक्क्यांनी वाढून ३ लाख २९ हजार ६१८ युनिट्स झाली आहे, तर गेल्या वर्षी याच कालावधीत हा आकडा २ लाख ४२ हजार ९१७ युनिट्स होता. कंपनीच्या म्हणण्यानुसार, ही आजपर्यंतची तिची सर्वाधिक मासिक घाऊक विक्री आहे.