Tata Nexon & Kia Seltos: ऑटोमोबाईल उद्योगासाठी हे वर्ष खूपच चांगले ठरत आहे. या वर्षी बाजारात अनेक नवीन मॉडेल्स लाँच करण्यात आली असून येत्या काळात अनेक नवीन मॉडेल्स बाजारात येणार आहेत. यासोबतच, भारतातील सर्वाधिक विक्री होणारी SUV Tata Nexon ची अपडेटेड आवृत्ती देखील सादर केली जाईल. याशिवाय, कॉम्पॅक्ट SUV सेगमेंटमध्ये Hyundai Creta शी स्पर्धा करणारी Kia Seltos ची फेसलिफ्ट आवृत्ती देखील लवकरच सादर केली जाणार आहे. या दोन्ही SUV ऑगस्टपर्यंत लाँच होण्याची शक्यता आहे.
Tata Nexon facelift
नवीन Nexon वरील अनेक डिझाइन अपडेट्स २०२३ ऑटो एक्सपोमध्ये पाहिल्या गेलेल्या Curvv संकल्पनेपासून प्रेरित असतील. यात नवीन फ्लॅट-बॉटम स्टीयरिंग, स्मार्टफोन कनेक्टिव्हिटीसह नवीन १०.२५-इंच टचस्क्रीन इन्फोटेनमेंट सिस्टम, नवीन इन्स्ट्रुमेंट क्लस्टर आणि माउंटेड कंट्रोल्स मिळतील. यावेळी, जांभळ्या सीट अपहोल्स्ट्री यात दिली जाऊ शकते. 2023 Tata Nexon फेसलिफ्टला १२५bhp आणि २२५Nm जनरेट करणारे नवीन १.२L टर्बो पेट्रोल इंजिन दिले जाऊ शकते. विद्यमान १.५L डिझेल इंजिन (११५bhp आणि २६०Nm) देखील ऑफर केले जाईल.
(हे ही वाचा : Fortuner ही विसरुन जाल, देशात बोल्ड लुकसह नव्या अवतारात दाखल झाल्या दोन ७ सीटर SUV कार, किंमत… )
Kia Seltos facelift
अद्ययावत Kia Seltos येत्या दोन ते तीन महिन्यांत भारतात लाँच होण्याची शक्यता आहे. सर्वात मोठे अपडेट म्हणून, यात १.५L टर्बो पेट्रोल इंजिन दिले जाऊ शकते, जे १६०bhp पॉवर आणि २५३Nm टॉर्क जनरेट करेल. यात आणखी दोन इंजिन पर्याय देखील दिले जाऊ शकतात, जे १.५L पेट्रोल (११५bhp) आणि १.५L टर्बो डिझेल (११५bhp) इंजिन असतील.
किमती
Tata Nexon फेसलिफ्टची किंमत ८ लाख ते १५ लाख दरम्यान असण्याची शक्यता आहे. तर Kia Seltos फेसलिफ्टची किंमत १०.८९ लाख ते १९.६५ लाख रुपये दरम्यान असू शकते.
