Limousine Aurus Senat : रशियाचे राष्ट्रपती व्लादिमीर पुतिन कोणत्या ना कोणत्या कारणामुळे सतत चर्चेत येत असतात. बुधवारी पुतिन उत्तर कोरिया देशाच्या दौऱ्यावर होते. या दरम्यान पुतिन यांनी रशियामध्ये बनवली जाणारी लिमोझिन Aurus Senat उत्तर कोरिया देशाचे राष्ट्राध्यक्ष किम जोंग यांना भेटस्वरुप दिली आणि सोशल मीडियावर एकच चर्चा रंगली. या कारचे फोटो आणि व्हिडीओ सोशल मीडियावर व्हायरल होत आहे आणि लोक या कारच्या फीचर्स आणि किंमतीविषयी चर्चा करताना दिसत आहे. (Vladimir Putin gifts a russian limousine aurus senat car to kim jong) रशियन स्टेट टिव्हीवर दाखवलेल्या एका व्हिडीओमध्ये पुतिन हे त्यांच्या काळ्या रंगाच्या लिमोझिन Aurus Senat कार चालवताना दिसत आहे आणि किम जोंग त्यांच्या शेजारी बसलेले दिसत आहे. ही रशियन राष्ट्रपतीची अधिकृत कार आहे. पुतिन यांनी किम जोंग यांनी पहिली Aurus Senat फेब्रुवारीमध्ये दिली होती. त्यामुळे किम जोंग यांच्याकडे दोन लिमोझिन Aurus Senat कार असाव्यात, असा अंदाज आहे. हेही वाचा : होंडा, बजाज फक्त पाहतच राहिल्या! ७४ हजाराच्या ‘या’ बाईकला खरेदी करण्यासाठी ग्राहकांच्या रांगा, ३० दिवसात ३ लाखांहून अधिक विक्री लिमोझिन Aurus Senat कारचे फीचर्स लिमोझिन Aurus Senat कारचे फीचर्स पाहून कोणीही थक्क होईल. ही कार बुलेटप्रूफ असून यामध्ये अविश्वसनीय फीचर्स आहेत. Aurus कार ही तीन व्हर्जनमध्ये विभागली आहे एक म्हणजे Standard Senat, दुसरी म्हणजे Senat Long, आणि तिसरी म्हणजे Senat Limousine. या कारमध्ये ४.४ लीटरचे V8 चे इंजिन लावले आहे जे ८५० बीएचपी पॉवर निर्माण करते. पुतिन यांच्यासह अनेक मोठे नेते ही कार वापरतात. लिमोझिन Aurus Senat मध्ये Advanced Driver Assistance Systems (ADAS), आपत्कालीन ब्रेकिंग सिस्टीम, आपत्कालीन कॉल सपोर्ट, कारच्या मागील बाजूला आठ प्रकारचे लाइट, वायरलेस चार्जर, वायफाय इत्यादी सुविधा उपलब्ध आहेत. हेही वाचा : किंमत ३.९९ लाख, मायलेज २६.६८ किमी; ‘या’ आहेत देशातील सर्वात स्वस्त छोट्या कार, विक्रीतही टाॅपवर, पाहा यादी लिमोझिन Aurus Senat कारची किंमत ही कार २०१८ मध्ये पहिल्यांदा जेव्हा लाँच करण्यात आली होती, तेव्हा या कारची किंमत १.६ लाख डॉलर्स म्हणजेच १.३२ कोटींच्या घरात होती. तर २०२१ मध्ये, या कारच्या किंमतीत वाढ होऊन ३ लाख डॉलर्स म्हणजेच २.४० कोटी करण्यात आली.
