बालमैफल: स्वच्छ सुंदर सोसायटी…

आपल्याला सुचलेल्या कल्पनेवर ते भलतेच खूश झाले आणि त्यांनी लगेच आपल्या नातवाला आणि त्याच्या काही मित्रांना घरी बोलवून घेतलं. त्यांनी सोसायटीच्या आवारात जे बघितलं ते सगळं मुलांना सांगितलं.

आणखी वाचा

सोशल मीडियावरील मतभेदानंतर ‘बिग बॉस’ फेम जोडपे प्रथमच दिसले एकत्र; लेकीसह साजरी केली लोहरी, फोटो आले समोर

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

Eknath Shinde: “कुणाचेही लागेबंधे असले तरी…”, संतोष देशमुख प्रकरणी उपमुख्यमंत्री एकनाथ शिंदेंचा इशारा

भुकेल्या बाळाला दूध आणायला उतरली आणि ट्रेन सुटली; पण तेवढ्यात घडला चमत्कार, VIDEO चा शेवट पाहून डोळ्यांत येईल पाणी

नागपूर : ‘थ्री इडियट’ फेम सोनम वांगचुक म्हणाले, “विकास करतोय याचा अहंकार नको…”

महाकालीचे दर्शन शुभसंकेत, ठरवल्यापेक्षा मोठे काम होणार – फडणवीस

रक्षणकर्ता भाऊ मनोरुग्ण बहिणीला बेवारस सोडून पळाला… नंददीप फाऊंडेशनने मात्र…

“कधीतरी दुसऱ्याच्या आनंदाचे कारण बना”, तरुणाने तिकिटावर रेखाटले कंडक्टरचे सुंदर चित्र, Viral Video पाहून चेहऱ्यावर येईल हसू

हेही वाचा : विळखा काजळमायेचा!

मुलं म्हणाली, ‘‘यात आम्ही काय करणार?’’

तेव्हा सावंत आजोबा म्हणाले, ‘‘अरे, असं कसं. या गोष्टी तर तुम्हीच बघितल्या पाहिजेत आता. यावर उपाय म्हणजे, आपण सोसायटीचा लहान मुलांचा एक मॉनिटर निवडायचा- तोही लहानमुलांनी. या मॉनिटरपदासाठी इच्छुक मुलांनी आपली नावं द्यावीत आणि मुलांनीच मतदान करून मॉनिटर निवडावा.’’

सगळ्या मुलांना ही कल्पना वेगळीच वाटली. सावंत आजोबा म्हणाले, ‘‘मॉनिटर पदासाठी तीन-चार मुलांनी उमेदवार म्हणून उभं राहायचं आणि सोसायटीतल्या सर्व मुलांनीच मतदान करून एकाला निवडून द्यायचं. निवडून आलेल्या मॉनिटरने प्रत्येक मुलाला सोसायटीतली कामं वाटून द्यायची.’’

मॉनिटरपदासाठीचा उमेदवार हा दहा ते बारा वर्षांचा असावा आणि ज्यांना उमेदवार व्हायचंय त्यांनी आजोबांकडे आपली नावे द्यायची असं ठरलं. तसं काही मुलांनी पुढाकार घेऊन आपली नावं आजोबांकडे नोंदवली. शिवाय असंही ठरलं की, दुसऱ्या मुलांना संधी मिळावी म्हणून पुढचे सहा महिने एकदा मॉनिटर झालेल्यानं आपलं नाव उमेदवार म्हणून द्यायचं नाही. यानंतर मतदानाचा दिवस आणि वेळ ठरवण्यात आली. आजोबांनी मॉनिटरपदाच्या कामांची एक यादी तयार केली आणि ही यादी प्रत्येक उमेदवाराला दिली.

हेही वाचा : बालमैफल: अभ्यंगस्नान

मतदानाचा दिवस उजाडला. सगळ्यांची उत्सुकता शिगेला पोहोचली होती. अगदी लोकसभा किंवा विधानसभेसाठी जसं मतदान होतं, त्याच पद्धतीनं मतदान करायचं असं ठरलं.

मतदानाच्या ठिकाणी एक खाच असलेला बंद बॉक्स ठेवण्यात आला. मुलांना आपल्याला हवा असलेल्या उमेदवाराचं नाव एका चिठ्ठीमध्ये लिहून आणण्यास सांगितलं आणि प्रत्येकानं आपापली चिठ्ठी त्या बॉक्समध्ये टाकली. मतदानाच्या वेळी जशी बोटाला शाई लावली जाते, तशीच शाई मुलांच्याही बोटाला लावण्यात आली. मतदानाची ही प्रक्रिया फारच सुरळीतपणे आणि खूपच उत्साहाने पार पडली, कारण मुलांसाठी अशा पद्धतीनं मतदान करण्याचा पहिलाच अनुभव होता. त्यानंतर लगेचच मतमोजणी झाली आणि आदित्य सर्वानुमते जिंकून आला.

अशाप्रकारे सोसायटीमध्ये मॉनिटरपदासाठी लोकशाही पद्धतीनं मतदान प्रक्रिया पार पडली आणि मुलांमध्ये एक वेगळाच उत्साह संचारला. त्यांनाही जबाबदारीची जाणीव झाली. मॉनिटरने स्वत:सकट सगळ्या मुलांना कामं विभागून दिली आणि मुलांनीही आपापली कामं करण्यासाठी कंबर कसली. अगदी महिन्याभरातच मुलांनी सोसायटीतील छोट्या-मोठ्या अडचणी सोडवल्या. विशेष म्हणजे एरवी सोसायटीच्या कामासाठी उत्सुक नसलेल्या पालकांनाही या मुलांनी सामावून घेतलं. अशा प्रकारे आजोबांनी मतदानाच्या प्रक्रियेतून सोसायटीतल्या एक महत्त्वाच्या विषयाचा निकाल लावला.

mail2prajaktapangarkar@gmail.com