बालमित्रांनो, तुम्ही शब्दकोडी सोडवत असालच. आजचे कोडे हे अंककोडे आहे. पांढऱ्या रिकाम्या चौकोनात तुम्हाला योग्य ते अंक भरायचे आहेत. कसे सोडवाल हे कोडे?
पहिल्या ओळीतील ६ ही संख्या आकृतीत बाणाने दाखवल्याप्रमाणे त्याखालील पांढऱ्या रिकाम्या चौकोनांमधील आकडय़ांची बेरीज दर्शवते. तसेच ४ ही संख्या बाणाने दाखवलेल्या उजवीकडील पांढऱ्या रिकाम्या चौकोनांमधील आकडय़ांची बेरीज दर्शवते. अशा प्रकारे कोडय़ामधील सर्व पांढऱ्या रिकाम्या जागा (१ ते ९ याच आकडय़ांनी) भरावयाच्या आहेत. काही रिकाम्या जागा उभ्या व आडव्या दोन्ही बेरजांचे भाग असू शकतील. मात्र, एका बेरजेत कुठलाही आकडा एकापेक्षा जास्त वेळा येता कामा नये. (उदा. ४ ही बेरीज २ + २ अशी असणार नाही. म्हणजे ती १+३ अशी किंवा ३+१ असली पाहिजे.)
