फूल म्हणाले, ‘‘आभाळा
रंग माझे पहा जरा!’’
आभाळाला निळाईचा
गर्व होता खराखुरा.
फूल वदले, ‘‘निळ्या नभा
तुझ्या खाली मीही उभा
रव्यातुनी येतो मी
पानांमधून गातो मी.’’
आणखी वाचा
Video: महाराष्ट्रात वाढताहेत काळे बिबट…
Nana Patole : निकालाआधी राजकीय घडामोडींना वेग; यातच…
“जीभेवर व्हेज, मनात नॉनव्हेज…”, सिद्धार्थ चांदेकरने अमेय वाघला वाढदिवसाच्या दिल्या हटके शुभेच्छा; म्हणाला…
डासांपासून त्रस्त झाले का? हे करून बघा, काय सांगते पिवळ्या दिव्याचे नवे संशोधन
“ताई तुझ्याकडून कायम…”, ऑनस्क्रीन सासूबाईंसाठी शिवानी रांगोळेची खास पोस्ट! कविता मेढेकर कमेंट करत म्हणाल्या…
काचपात्रातील बागेसाठी माती तयार करताना…
Video : “आयुष्यातला अंधार…”, सावली आणि सारंगचे लग्न होणार? पाहा ‘सावळ्याची जणू सावली’ मालिकेचा प्रोमो
आभाळ म्हणाले, ‘‘तू तर छोटा
तुझ्याहुनही किती मी मोठा!
भव्य मंडप मी सृष्टीला
तू न दिसतो दृष्टीला!’’
फूल झाले खट्टू मनी
चित्त लागेना रानीवनी
रडत बसले स्वत:शी
बोलेना ते पाकोळीशी
फुलास भेटण्या वारा आला
सुगंध चौफेर घेऊन गेला
ढगदेखील भरून आले
नाराज फुलाला पाणी दिले.
फुलाशी खेळण्या सूर्य आला
ढगाआडून तो डोकावला
आभाळाला फुल लगडले
इंद्रधनुचे चित्र उमटले.
इंद्रधनू ते फुलास दिसले
रंग पाहुनी गालात हसले
सुगंध येतो हा कुठूनी?
आभाळ म्हणाले आनंदूनी.
आभाळाचा विरला तोरा
फुलास जेव्हा भीडला वारा
वाकून थोडे खाली झुकले
फुलाचे त्याने पापे घेतले.
डॉ. कैलास दौंड
