या कलाकृतीसाठी पेन्सिलला टोक काढताना निघालेले पेन्सिलचे पापुद्रे (पेन्सिल शेव्हिंग) जमवा. सुरुवातीला कागदावर पेन्सिलने माशाचे चित्र काढून घ्या. त्याला काळ्या रंगाने बॉर्डर करून घ्या व माशाचा चेहरा, शेपूट रंगीत खडूंनी रंगवा. वेगवेगळ्या रंगीत पेन्सिल्सचे पापुद्रे चित्रात दाखविल्याप्रमाणे माशांच्या कल्ल्यांवर चिकटवा. ‘बालमैफल’मधील ‘आर्ट कॉर्नर’पासून प्रेरणा घेऊन आपल्या एका बालमैत्रिणीने स्वत: एक कलाकृती तयार केली आहे. तुम्हीही खास तुमच्या सुपीक डोक्यातून तयार केलेल्या कलाकृती खास तुमच्या ‘माय कॉर्नर’मध्ये पाठवू शकता. या कलाकृती तुम्ही balmaifal.lok@gmail.com या ई-मेलवर वा ‘लोकसत्ता’च्या ‘प्लॉट नं - ईएल-१३८, टीटीसी इंडस्ट्रियल एरिया, एमआयडीसी, महापे,नवी मुंबई - ४०० ७१०’ या पत्त्यावर पाठवू शकता.‘वाचू आनंदे’ (७ सप्टेंबर) या सदरात प्रसिद्ध झालेल्या पुस्तक परीक्षणातील ‘रवींद्रनाथांच्या गोष्टी’ या पुस्तकातील चित्रे व मुखपृष्ठाची फक्त रचना (लेआऊट) दीपक संकपाळ यांनी केली आहे.