काव्यमैफल : पर्यावरण प्रतिज्ञा

भारत माझा देश आहे.
ही भारतभूमी वैविध्यपूर्ण वनसंपदेने समृद्ध आहे.
या भारतभूमीत वसलेले हिमालय, जंगले, पर्वत, नद्या, तळी, सरोवरे, धरणे ही आधुनिक भारताची तीर्थस्थाने आहेत.
या भारतभूमीतील समृद्ध आणि सुंदर निसर्गाचे रक्षण करणे हे माझे कर्तव्य आहे. त्यासाठी मी प्रयत्न करीन. मी एकही झाड तोडणार नाही, या उलट मी माझ्या वाढदिवसाला नवीन झाड लावीन.
मी माझ्या घरात छपरावर पडणारा प्रत्येक थेंब माझ्याच अंगणात जिरवीन.
पाणी ही आपली राष्ट्रीय संपत्ती आहे. मी पाण्याचा जपून आणि काटकसरीने वापर करीन.
वीजबचतीसाठी मी कटिबद्ध आहे.
आवश्यक नसताना मी पंखे, लाइट लावणार नाही.
मी घरातला कचरा कचराकुंडीत टाकेन.
कापडी पिशवी वापरेन.
मी माझ्या घरातील टी.व्ही.चा आवाज कमी ठेवीन.
मी माझ्या वागणुकीने जल-वायू-ध्वनी प्रदूषण होऊ देणार नाही.
मी पर्यावरणाचे रक्षण करीन.