ऑफ बिट : ऐका तर खरं!

तुम्ही म्हणजे बोलघेवडे! कोणाशी ना कोणाशी बोलत राहायला तुम्हाला आवडतं ना! मग तेच वापरा ना अभ्यास करण्यासाठी. मोठमोठय़ानं वाचा म्हणजे आपोआपच ऐकलंही जाईल. मित्रमत्रिणींना वर्गातलं शिकवणं महत्त्वाचं वाटत नसेल तर तुम्ही मित्रमत्रिणींकडे दुर्लक्ष करा आणि वर्गात काय शिकवलं जातंय ते काळजीपूर्वक ऐका. मोबाइल हा तुमचा अभ्यासातला उत्तम दोस्त ठरू शकतो. असं करा ना, घरातील एखाद्या मोठय़ा माणसाचा मोबाइल त्या व्यक्तीची परवानगी घेऊन तुमच्याजवळ घ्या. त्यात महत्त्वाची सूत्रे, नियम वगरेंसारख्या ज्या गोष्टी उपयोगी पडतील त्या रेकॉर्ड करा आणि ऐका ना पुन: पुन्हा. अशाने कसं अणि कधी तुमच्या लक्षात राहील ते लक्षातही येणार नाही तुमच्या. अजून एक करा बरं का, तुमच्या ज्या मित्रमत्रिणींना पुस्तकातला काही भाग समजला नसेल आणि तुम्हाला समजला असेले, तर त्यांना समजावून सांगा आणि तुम्हाला न समजलेलं त्यांच्याकडून समजून घ्या. वर्गात प्रश्न विचारायला, उत्तरं द्यायला आणि वर्गातल्या वेगवेगळ्या कार्यक्रमांत भाग घ्यायला तुम्हाला आवडतं, पण काही वेळा वर्गातील इतर मुलं तुम्ही शिक्षकांच्या पुढे शायिनग मारता असं म्हणतात म्हणून त्यांना घाबरून मागे मागे राहू नका. तुम्हाला ते आवडतं ते न संकोचता करा. इतरांशी संवाद साधतच तुम्ही जास्त चांगल्या प्रकारे लक्षात ठेवू शकता, तर ते करणं काहीही गर नाही. काही गोष्टी पाठ करताना किंवा लक्षात ठेवताना एका विशिष्ट लयीत लक्षात ठेवणं तुम्हाला सहज जमतं, मग तशी ठेवा ना ती लक्षात! लावा
सूत्रांना चाली आणि म्हणा मोठमोठय़ानं, इतरांकडून म्हणून घेता घेता तुमचाही अभ्यास होईल आणि एखाद्या मुद्दय़ावरून इतरांशी वाद घालता घालताही! आता हे सगळं कराच. ऐकताय ना माझं?
joshimeghana.23@gmail.com

आणखी वाचा

अक्षराच्या प्रेग्नन्सीबद्दल अधिपती अनभिज्ञ! भुवनेश्वरी खेळणार मोठा डाव…; ‘तुला शिकवीन चांगलाच धडा’ मालिकेत पुढे काय घडणार?

वाल्मिक कराड ज्या गाडीतून शरण आला त्या गाडीच्या…

Bajrang Sonavane : “अजित पवारांनी बीडचं पालकमंत्रिपद घ्यावं, त्यांना अंधारात कोण काय…”, बजरंग सोनावणेंची मागणी

चेंगराचेंगरीनंतर ‘पुष्पा २’बद्दल नवा वाद, निर्मात्यांना युट्युबवरून हटवावं लागलं ‘हे’ लोकप्रिय गाणं; कारण काय?

“रिल पुन्हा बनवता येईल लेकरु गेलं तर?” मुलाला धावत्या कारच्या बोनेटवर बसवून रील शूट; VIDEO पाहताना श्वास रोखून धराल

संकल्पांचे नवे धोरण

भंडारा : गुण वाढवण्यासाठी प्राचार्यांनी विद्यार्थिनींकडे केली शरीरसुखाची मागणी

“कॉपी करताना…”, ‘महाराष्ट्राची हास्यजत्रा’ फेम वनिता खरात म्हणाली, “हिंमत तर एवढी…”