रोज सकाळी दूधवाला येतो, पिशव्या ठेऊन जातो. पेपरवाला येतो पेपर टाकून जातो. आपण ह्यांना पाहिलेलं सुद्धा नसतं, फक्तं गृहित धरलेलं असतं. ते शांतपणे काम करत असतात, कर्मयोग्यासारखे. अचानक एक दिवस सकाळी दूधवाला येत नाही, दुधाच्या पिशव्या दिसत नाहीत आणि मग धावपळ सुरू होते. चहाशिवाय सकाळ हा विचार मनाला आणि जिभेला सहन होऊ शकत नाही. चेतेश्वर पुजारा हा अशा प्रकारच्या सर्व अत्यावश्यक, आणिबाणीच्या सेवा पुरवणारा आणि गृहित धरला गेलेला खेळाडू आहे. आपण मोजू शकणार नाही इतक्या वेळेला तो अत्यंत आणिबाणीच्या परिस्थितीत धावून आला आहे. कधी डॉक्टर सारखा कधी आगीच्या बंबासारखा कधी लष्करासारखा. त्या बदल्यात त्याला काय मिळाले? अतिसंथपणे खेळणारा, स्ट्राईक रेट कमी असणारा, कंटाळवाणा खेळाडू अशी अवहेलना!! इंग्लंडमध्ये तर त्याला पहिल्या कसोटीतून वगळण्या पर्यंत उद्दाम संघ व्यवस्थापनाची मजल गेली होती.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
