Budget 2024 : स्मार्टफोन आणि चार्जर स्वस्त होणार; अर्थमंत्री निर्मला सीतारमण यांची घोषणा

मोबाइल स्वस्त होण्यासाठी पीएलआय योजनांना बळकटी

एनडीए सरकार गेल्या काही वर्षांपासून देशाअंतर्गत मोबाइलचे उत्पादन वाढविण्यासाठी पीएलआय (Production Linked Incentive) योजना आणत आहे. भारतात मोबाइल फोनचे उत्पादन व्हावे, यासाठी पीएलआय ही योजना तयार करण्यात आलेली आहे. या योजनेच्या माध्यमातून उत्पादनावर अनेक आर्थिक सोयी-सुविधा उपलब्ध करून दिल्या जातात. देशाअंतर्गत उत्पादित होणाऱ्या वस्तूंना जागतिक बाजाराचे दरवाजे उघडणे आणि परकीय गुंतवणुकीला आकर्षित करणे, हे योजनेचे ध्येय आहे. या माध्यमातून भारत हा रोजगार वृद्धी आणि निर्यात वाढीसाठी प्रयत्न करणार आहे.