India Budget 2025 Updates : भारताच्या अर्थमंत्री निर्मला सीतारमण यांनी २०२५ च्या केंद्रीय अर्थसंकल्पात देशभरात कृत्रिम बुद्धिमत्ता (AI) केंद्रे स्थापन करण्यासाठी ५०० कोटी रुपयांची तरतूद करण्यात आल्याची घोषणा केली आहे. या उपक्रमाचे उद्दिष्ट एआय संशोधन, विकास आणि नवोपक्रमाला चालना देणे आहे, ज्यामुळे भारताला जागतिक एआय तंत्रज्ञानात क्षेत्रात स्थान मिळेल. याचबरोबर सरकार उद्योग, स्टार्टअप आणि शैक्षणिक संस्थांना पाठिंबा देण्यासाठी प्रगत एआय हब स्थापन करण्याची योजना आखत आहे. यापूर्वी निर्मला सीतारामन यांनी २०२३ च्या अर्थसंकल्पीय अधिवेषणात आघाडीच्या शैक्षणिक संस्थांमध्ये तीन एआय सेंटर्स ऑफ एक्सलन्स स्थापन करण्याची घोषणा केली होती. या सेंटर्सचे उद्दिष्ट आंतरविद्याशाखीय संशोधनाला चालना देणे आणि विविध क्षेत्रांमध्ये प्रगत एआय प्रयोगांच्या विकासाला चालना देणे आहे. दरम्यान नुकतेच चीनमधील एका कंपनीने DeepSeek नावाचे एआय तंत्रज्ञान विकसीत केले आहे. त्याची सध्या जगभरात चर्चा आहे. त्यादृष्टीने आज अर्थसंकल्पातील घोषणा भारताचे सावध पाऊल मानले जात आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
