विकासाबाबत कळसूत्री सरकारची पंचसूत्री काय कामाची ? ; विरोधी पक्षनेते देवेंद्र फडणवीस यांचे टीकास्त्र

या अर्थसंकल्पात ना विकासाला चालना, ना कोणत्याही कल्याणकारी उपाययोजना आहेत. या अर्थसंकल्पातून कोणतीही नवीन दिशा नाही, पुन्हा त्याच त्या घोषणा आणि उर्वरित आमच्या सरकारच्या काळातील योजनांचा गोषवारा त्यात आहे, असे फडणवीस म्हणाले.

आणखी वाचा

सहा दशके जुना प्राप्तिकर कायदा बदलणार? नवीन विधेयकात काय आहे? सर्वसामान्यांवर काय परिणाम होणार?

Economic Survey: आर्थिक सर्वेक्षण अहवाल सांगतोय २०२५ हे…

अर्थसंकल्प ‘समाधानकारक’ पण आत्मनिर्भरतेचा उत्पादकांना शाप?

कर सुधारणांसाठी नवीन प्राप्तिकर कायदा

छोटी…छोटी सी बात!

वित्त: मर्यादांची जाणीव करून देणारा अर्थसंकल्प

१२ लाख करमुक्त उत्पन्नाची सवलत नेमकी कुणासाठी?

नव्या करप्रणालीमुळे मध्यमवर्गीयांचे पैसे कसे वाचणार?

या सरकारकडून शेतकऱ्यांना कोणतीही मदत देण्यात आलेली नाही. दोन वर्षांपूर्वीची ५० हजार रुपये प्रोत्साहनपर रक्कम देण्याची घोषणा आज पुन्हा नव्याने करण्यात आली आहे. अवर्षण, अतिवृष्टी, नैसर्गिक आपत्ती किंवा पीकविमा यापोटी शेतकऱ्यांना कोणतीही मदत देण्यात आलेली नाही, असे फडणवीस यांनी निदर्शनास आणले.

केंद्राच्या निर्णयानंतर २२ राज्यांनी पेट्रोल-डिझेलच्या किमती कमी केल्या. पण, महाविकास आघाडी सरकारने महाराष्ट्रातील जनतेला कोणताही दिलासा दिलेला नाही. सायकलवरून मोर्चा काढणारे आता कोणता मोर्चा काढणार, असा प्रश्नही फडणवीस यांनी उपस्थित केला. फडणवीस म्हणाले की आमच्या काळातील बळीराजा योजना वगळली, तर विदर्भ आणि मराठवाडय़ाला कोणतीही मदत या अर्थसंकल्पातून करण्यात आलेली नाही. मराठवाडा ग्रीडची हत्या करण्यात आली. दुष्काळमुक्तीसाठीच्या सिंचन प्रकल्पांना कोणतीही मदत नाही. उत्तर महाराष्ट्र तर या अर्थसंकल्पात दिसतच नाही. केवळ काही मतदारसंघांपुरता आणि केवळ काही नेत्यांपुरता हा अर्थसंकल्प आहे. बाकी केवळ केंद्राच्या योजनांचा पुनरुच्चार आहे, अशी टीका त्यांनी केली.  करोनाकाळात सर्वाधिक रुग्ण आणि सर्वाधिक मृत्यू होऊनसुद्धा पाठ थोपटून घेण्याचा प्रयत्न झाला आहे. सर्वच घटकांची घोर निराशा, या अर्थसंकल्पाने केली आहे, असे फडणवीस यांनी स्पष्ट केले.