Budget 2025: करपात्र उत्पन्न मर्यादा ८ लाखांपर्यंत वाढणार? २५ टक्क्यांचा नवा स्लॅब? वाचा काय आहेत सध्याचे कर!

यंदा प्राप्तिकरात सूट मिळण्याची शक्यता?

यावेळी प्राप्तिकराच्या स्लॅब्समध्ये मोठे बदल होण्याची शक्यता वर्तवली जात आहे. त्यानुसार करपात्र उत्पन्नाची मर्यादा थेट ८ किंवा १० लाखांपर्यंत वाढण्याची शक्यता वर्तवली जात आहे. यातून नोकरदार वर्गाला मोठा दिलासा मिळण्याची शक्यता आहे. त्याचवेळी दुसरीकडे प्राप्तिकर भरणा करण्यासाठी २५ टक्क्यांची नवी श्रेणी प्रस्तावित केली जाऊ शकते. त्यात १५ ते २० लाखांच्या उत्पन्नावर २५ टक्के कर लागू होण्याची शक्यता आहे. सध्या १५ लाखांवरील उत्पन्नावर ३० टक्के कर लागू केला जातो.

काय आहेत सध्याची कर रचना?

सध्या भारतात नवी आणि जुनी अशा दोन कररचना अस्तित्वात आहेत. त्यातील नव्या कररचनेनुसार इतर कोणतीही करसूट न स्वीकारणाऱ्या करदात्यांसाठी सरसकट अल्प कर आकारणीचे स्लॅब्स जाहीर करण्यात आले.

नव्या कर प्रणालीनुसार…

दरम्यान, ज्या करदात्यांना नवीन करप्रणालीचा स्वीकार करायचा नाही, त्यांच्यासाठी जुन्या करप्रणालीनुसारच करभरणा करण्याचा पर्याय उपलब्ध करून देण्यात आला.

जुन्या करप्रणालीनुसार…

दरम्यान, यंदाच्या अर्थसंकल्पात नव्याने कररचनेत फेरफार करणाऱ्या घोषणा केल्या जाणार असल्याचं सांगितलं जात असून त्यातून नवी करप्रणाली करदात्यांसाठी उपलब्ध होऊ शकते.