आजच्या काळात प्रत्येक व्यक्तीला लगेचच श्रीमंत व्हायचं असतं. बँक एफडी, एलआयसी, पोस्ट ऑफिस हे जोखीममुक्त गुंतवणुकीचे पर्याय आहेत, परंतु त्यात परतावा थोडा कमी मिळतो. त्यामुळे लोकांना म्युच्युअल फंडात गुंतवणूक करायला खूप आवडते. म्युच्युअल फंडात छोटी एसआयपी करून तुम्ही चांगला परतावा मिळवू शकता. तुम्हालाही तुमचा पोर्टफोलिओ सुधारायचा असेल, तर म्युच्युअल फंड योजनेत गुंतवणूक करणे हा एक चांगला पर्याय असू शकतो.
आज आम्ही तुम्हाला अशा म्युच्युअल फंड योजनेबद्दल सांगत आहोत, ज्याने गेल्या तीन वर्षांत आपल्या गुंतवणूकदारांना १०,००० च्या SIP वर १० लाखांपेक्षा जास्त फायदा दिला आहे. हा म्युच्युअल फंड म्हणजे क्वांट स्मॉल कॅप फंड डायरेक्ट प्लॅन (Quant Small Cap Fund Direct Plan)आहे.
गुंतवणूकदारांना बंपर परतावा मिळाला
अनेक आर्थिक तज्ज्ञ लोकांना म्युच्युअल फंडात गुंतवणूक करण्याचा सल्ला देत असतात. क्वांट स्मॉल कॅप फंडाने थेट योजनेंतर्गत गेल्या ३ वर्षांत गुंतवणूकदारांना ६४.५% परतावा दिला आहे. या फंडातील १०,००० रुपयांची मासिक गुंतवणूक तीन वर्षांत सुमारे १०.९ लाख रुपयांपर्यंत वाढली आहे. यातील आणखी एका दुसऱ्या योजनेने तीन वर्षांत ६२.१९ टक्के परतावा दिला आहे. यामुळे १०,००० रुपयांची मासिक एसआयपी अंदाजे १०.४ लाख रुपयांपर्यंत वाढते.
टॉप शेअर होल्डिंग्स
एप्रिल २०२३ च्या फंडाच्या शेअरसाठी रिलायन्स इंडस्ट्रीज, ITC, HDFC बँक, जिंदाल स्टेनलेस, RBL बँक, IRB इन्फ्रास्ट्रक्चर, पंजाब नॅशनल बँक, बिकाजी फूड्स इंटरनॅशनल, उषा मार्टिन आणि जस्ट डायल या स्मॉल कॅप फंडाकडील टॉप १० शेअर होल्डिंग्स आहेत. क्वांट स्मॉल कॅप प्लॅनने १५.३% भांडवल बँकांना दिले आहे, त्यानंतर पेट्रोलियम उत्पादने (६.५२%), फार्मास्युटिकल्स (५.८६%) आणि बांधकाम (५.७८%) आहेत.
हेही वाचाः काही मुख्यमंत्री करोडपती तर काही लखपती; जाणून घ्या एकाच क्लिकवर संपूर्ण यादी
