वाढत्या इंधन खर्चामुळे इंडिगोला ९८६ कोटींचा तोटा

सुमारे चारशेहून अधिक विमांनाची संख्या असलेली देशातील मोठ्या विमान कंपनीकडील ७० विमाने सध्या तांत्रिकदृष्टया बिघडल्याने झेपावू शकत नाहीत.

आणखी वाचा

गिरणी कामगारांकडून पाच हजार रुपये उकळणे महागात; वांगणीतील विकासकाला कारणे दाखवा नोटीस, म्हाडाच्या मुंबई मंडळाकडून कारवाई

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

वाढत्या विमान धमक्यांचा ५१० उड्डाणांवर परिणाम…धमकीखोरांच्या बंदोबस्तासाठी कोणत्या उपाययोजना? किती परिणामकारक?

‘एअरशिप्स’ घेणार विमानांची जागा? याचा अर्थ काय? भविष्यात एअरशिप्सचा कसा फायदा होणार?

इक्विटी म्युच्युअल फंडात ऑक्टोबरमध्ये विक्रमी ४१,८८७ कोटींचा ओघ

ठाण्यात मुख्यमंत्र्यांच्या नावाने करोडोंची वसुली, आमदार जितेंद्र आव्हाड यांचा गंभीर आरोप

देशातील पक्ष्यांच्या संख्येत लक्षणीय घट; जाणून घ्या, मानवी चुका किती हानीकारक

विधानसभा निवडणुकीच्या पार्श्वभूमीवर दक्षिण मुंबईत कारवाई ; सव्वा दोन कोटींची रोख जप्त

सप्टेंबरच्या अखेरीस, वाहकाकडे ४१० विमानांचा ताफा होता. परकीय चलनातील अस्थिरतेचा प्रभाव वगळता, चालू आर्थिक वर्षाच्या दुसऱ्या तिमाहीत इंडिगोचा तोटा ७४६.१ कोटी रुपये होता.  दुसऱ्या तिमाहीत इंधनाचा खर्च १२.८ टक्क्यांनी वाढून ६,६०५.२ कोटी रुपयांवर पोहोचला आहे, जो मागील वर्षी याच कालावधीत ५,८५६ कोटी रुपये होता. याबरोबरच विमान आणि इंजिनचे भाडे ७६३.६कोटी रुपयांवर पोहोचले, जे मागील वर्षीच्या याच कालावधीत केवळ १९५.६ कोटी रुपये होते. सरलेल्या सप्टेंबर तिमाहीत एकूण खर्च सुमारे २२ टक्क्यांनी वाढून १८,६६६.१ कोटी रुपयांवर पोहोचला आहे.

हेही वाचा >>> ‘मुद्रा’ कर्जांची मर्यादा दुपटीने वाढून २० लाखांवर

विमान कंपनीची घोडदौड कायम असून पुढेही असाच विस्तार चालू राहील. वार्षिक आधारावर महसूल १४.६ टक्क्यांनी वाढून दुसऱ्या तिमाहीत तो १७,८०० कोटी रुपयांवर पोहोचला आहे. इंडिगो आपल्या सेवांचा विस्तार करत, विद्यमान आर्थिक वर्षात अधिक आंतरराष्ट्रीय स्थळांसाठी सेवा सुरू करणार आहे, अशी माहिती इंडिगोचे मुख्य कार्यकारी अधिकारी पीटर एल्बर्स यांनी दिली.

विमानातील खराबी आणि त्यासंबंधित दुरुस्ती खर्च वाढल्यामुळे कंपनीच्या उत्पन्नावर परिणाम झाला आहे. मुख्यतः प्रॅट अँड व्हिटनी इंजिन समस्यांमुळे अनेक विमाने झेपावू शकत नाहीत. याबरोबर भू-राजकीय तणावामुळे खनिज तेलाच्या किमतीतील चढ-उतार वाढल्याने इंधनावरील खर्चात मोठी वाढ सोसावी लागली आहे.

तांत्रिकदृष्टया ना-दुरुस्त असलेल्या विमानांची संख्या वर्षाच्या अखेरीस ६० वर आणण्यात येईल आणि पुढील आर्थिक वर्षाच्या सुरूवातीस ती संख्या ४० पर्यंत खाली येईल, असे इंडिगोचे मुख्य वित्तीय अधिकारी गौरव नेगी म्हणाले.

प्रवासी वाढले

सप्टेंबर तिमाहीत, हवाई वाहतूक कंपनीच्या सेवांचा २.७८ कोटी प्रवाशांची लाभ घेतला, प्रवाशांची संख्या गेल्यावर्षीच्या याच कालावधीच्या तुलनेत जवळपास ६ टक्क्यांनी वाढली आहे. उत्पन्न प्रति किलोमीटर मागील वर्षीच्या ४.४४ वरून सप्टेंबर तिमाहीत २.३ टक्क्यांनी वाढून ४.५५ वर पोहोचला आहे. इंडिगोची मूळ कंपनी इंटरग्लोब एव्हिएशन इंडिगो व्हेंचर्स फंडमध्ये २९५ कोटी रुपयांची गुंतवणूक करणार आहे. हा निधी विमान वाहतूक आणि संबंधित क्षेत्रांसाठी वापरला जाणार आहे.