‘को-वर्किंग स्पेस’मध्ये दुपटीने वाढ, मागील चार वर्षांतील स्थिती; स्वतंत्र कार्यालयीन जागांना मागणी कमी

अनारॉक ग्रुपने देशातील प्रमुख महानगरांतील मालमत्ता क्षेत्राचा अहवाल जाहीर केला आहे. त्यात मुंबई, पुणे, दिल्ली, हैदराबाद, चेन्नई, बंगळूरु आणि कोलकाता या महानगरांचा समावेश आहे. या अहवालानुसार, कार्यालयीन जागा भाड्याने घेण्यामध्ये घट होत आहे. आगामी काळातही अशीच परिस्थिती राहण्याची शक्यता आहे. कार्यालयीन जागा भाड्याने घेण्यात सर्वाधिक वाटा माहिती तंत्रज्ञान (आयटी) कंपन्यांचा असतो. आयटी कंपन्यांचा हा वाटा २०२० मधील पहिल्या सहामाहीत ४६ टक्के होता. तो यंदा पहिल्या सहामाहीत २९ टक्क्यांवर घसरला आहे.

आणखी वाचा

नाकाबंदीत पावणेसहा कोटींचे सोने, चांदी जप्त; ओैंध परिसरात कारवाई

Nana Patole : निकालाआधी राजकीय घडामोडींना वेग; यातच…

लोकमानस : कणा आणखी किती भार सोसणार?

एपीएमसीतील पार्किंग समस्या जटिल, ट्रकच्या दुहेरी पार्किंगमुळे वाहतूक कोंडी

एमआयडीसीलाही झोपड्यांच्या जागा, ‘क्लस्टर’साठी साडेबारा टक्के योजनेचा प्रस्ताव

मोघरपाडा कारशेडच्या जागेची प्रतीक्षा कायम; हस्तांतरणाबाबत शासन निर्णय प्रसिद्ध होऊन वर्ष उलटले तरी जागेचा ताबा नाही

पाेलिसांच्या नियोजनामुळे वाहतूक सुरळीत-पंतप्रधानांच्या सभेसाठी कडक बंदोबस्त

अमेरिकेत स्थायिक होण्यासाठी गुजराती नागरिकांची चढाओढ; आसरा मागणाऱ्यांच्या संख्येत भारतातून तीन वर्षांत ८५५ टक्क्यांची वाढ

हेही वाचा… ‘ईपीएफओ’ची ईटीएफमध्ये २७ हजार कोटींची गुंतवणूक

विशेष म्हणजे को-वर्किंग स्पेसला मागणी वाढत आहे. स्वतंत्र कार्यालयापेक्षा छोट्या कंपन्यांकडून को-वर्किंग स्पेसला पसंती दिली जात आहे. एकूण भाड्याच्या कार्यालयीन जागांमध्ये को-वर्किंग स्पेसचे प्रमाण २०२० च्या पहिल्या सहामाहीत ११ टक्के होते. ते यंदा पहिल्या सहामाहीत २४ टक्क्यांवर पोहोचले आहे. को-वर्किंग स्पेस अधिक लवचीक आणि खर्चात बचत करत असल्याने त्यांच्याकडे कल वाढला आहे, असे अहवालात स्पष्ट करण्यात आले आहे.

हेही वाचा… Gold-Silver Price on 12 December 2023: सर्वसामान्यांना मोठा दिलासा! सोन्याची चमक झाली कमी, पाहा किती रुपयांनी झालं स्वस्त

कार्यालयीन जागांच्या भाड्यात ७ टक्के वाढ

कार्यालयीन जागांच्या भाड्यात मागील वर्षीच्या तुलनेत यंदा पहिल्या सहामाहीत ७ टक्के वाढ नोंदविण्यात आली आहे. चेन्नईत सर्वाधिक १० टक्के वाढ नोंदविण्यात आली असून, कार्यालयीन जागेचे सरासरी मासिक भाडे ९० प्रति चौरसफूट आहे. मुंबई ५ टक्के वाढीसह भाडे १३६ रुपये प्रति चौरसफूट, पुण्यात ७ टक्के वाढीसह ७९ रुपये प्रति चौरसफूट, दिल्लीत ५ टक्के वाढीसह ८५ रुपये प्रति चौरसफूट, हैदराबाद ८ टक्के वाढीसह ६६ रुपये प्रति चौरसफूट, बंगळूरु ७ टक्के वाढीसह ९० रुपये प्रति चौरसफूट आणि कोलकाता ७ टक्के वाढीसह ५८ रुपये प्रति चौरसफूट आहे.

आपल्याकडे प्रामुख्याने अमेरिकी आयटी कंपन्यांकडून कार्यालये भाड्याने घेतली जातात. आयटी कंपन्यांकडून कार्यालयीन जागांची मागणी कमी आहे. स्वतंत्र कार्यालय भाड्याने घेण्यापेक्षा को-वर्किंग स्पेसचा पर्याय अनेक छोट्या कंपन्या निवडत आहेत. – आदिती वाटवे, प्रमुख, अनारॉक