LIC म्युच्युअल फंड हा भारतातील मालमत्ता व्यवस्थापन उद्योगातील सर्वात प्रतिष्ठित फंड घराण्यांपैकी एक आहे. LIC म्युच्युअल फंडाने सोमवारी एक मोठी घोषणा केली आहे. LIC म्युच्युअल फंडाने IDBI म्युच्युअल फंडाचे अधिग्रहण केले आहे. कंपनीचे विलीनीकरण २९ जुलै २०२३ पासून प्रभावी झाले आहे.
एलआयसीने म्युच्युअल फंड का घेतला?
व्यवस्थापनाखालील मालमत्ता वाढवण्यासाठी एलआयसीने हे पाऊल उचलले आहे. चालू आर्थिक वर्षाच्या जून अखेरीस कंपनीची व्यवस्थापन अंतर्गत मालमत्ता (AUM) १८,४०० कोटी रुपये होती. IDBI म्युच्युअल फंडाचा निधी व्यवस्थापक (MF) हा ३६५० कोटी रुपये होता. एलआयसीने हा निर्णय उत्पादन ऑफर वाढवण्यासाठी आणि विविधता आणण्यासाठी घेतला आहे. तसेच देशातील आघाडीचे फंड हाऊस म्हणून उदयास येण्यासाठी व्यवस्थापनाखालील मालमत्ता (AUM) वाढवण्याचे लक्ष्य पूर्ण करण्यासाठी हा निर्णय घेण्यात आल्याचं सांगितलं जात आहे.
हेही वाचाः LPG Price : खुशखबर! एलपीजी गॅस सिलिंडरच्या किमतीत मोठी कपात, ‘ही’ आहे नवी किंमत
किती योजनांचे विलीनीकरण होणार?
IDBI म्युच्युअल फंडाचा निधी व्यवस्थापक (MF) विलीनीकरण पूर्ण झाल्यानंतर IDBI MF च्या २० पैकी १० योजना LIC MF मध्ये विलीन केल्या जातील. उर्वरित १० योजना LIC MF द्वारे स्वतंत्रपणे ताब्यात घेतल्या जाणार आहेत. यानंतर LIC ची एकूण योजना संख्या ३८,००० होणार आहे.
हेही वाचाः फ्लिपकार्टमधील ‘बन्सल’ युगाचा अस्त, बिन्नी यांनीच कंपनीला विकले, आता पुढे काय?
गुंतवणूकदारांचे काय होणार?
आयडीबीआय एमएफ विलीनीकरणानंतर गुंतवणूकदारांमध्ये संभ्रमाचे वातावरण आहे. IDBI MF च्या योजनेत गुंतवणूक केलेल्या सर्व गुंतवणूकदारांना LIC MF च्या विविध उत्पादनांमध्ये इक्विटी, डेट, हायब्रिड, सोल्यूशन ओरिएंटेड थीम, ETF आणि इंडेक्स फंड यांचा समावेश असेल. LIC म्युच्युअल फंडाचे व्यवस्थापकीय संचालक आणि सीईओ टी एस रामकृष्णन म्हणाले, “या विलीनीकरणामुळे मिड कॅप, स्मॉल कॅप, गोल्ड फंड, पॅसिव्ह फंड सेगमेंटमध्ये आमची योजना बळकट करण्याचा आमचा उद्देश आहे. विलीनीकरणामुळे आम्हाला बाजारपेठेत व्यापक उपस्थिती मिळेल आणि उत्पादनांच्या वाढीमुळे चांगला नफा मिळू शकेल. यासह मालमत्ता व्यवस्थापन उद्योगातील उदयोन्मुख संधींचा लाभ घेण्यास देखील हे आम्हाला मदतशीर ठरणार आहे. LIC MF ही भारतीय आयुर्विमा महामंडळाची (LIC) मालमत्ता व्यवस्थापन कंपनी आहे. त्याचे प्रायोजक आणि भागधारक हे LIC हाऊसिंग फायनान्स लिमिटेड, GIC हाउसिंग फायनान्स लिमिटेड आणि युनियन बँक ऑफ इंडिया आहे.
