नवीन २४.७ लाख ‘एसआयपी’ खात्यांची भर; मे महिन्यात खाती बंद होण्याचे प्रमाणही वाढून १४.१९ लाखांवर

हेही वाचाः अनिल अंबानींवर आणखी एक संकट; आता ‘ही’ कंपनी बंद होण्याची शक्यता

या आकडेवारीबाबत बोलताना, एसबीआय म्युच्युअल फंडाचे मुख्य व्यवसाय अधिकारी डीपी सिंग म्हणाले की, एसआयपी खंडित केली जाण्यापेक्षा नवीन एसआयपी खात्यांच्या नोंदणीची जास्त संख्या ही या गुंतवणूक पद्धतीवरील विश्वासालाच अधोरेखित करणारी आहे. दरम्यान म्युच्युअल फंडातील ’एसआयपी’ गुंतवणुकीने सरलेल्या मे महिन्यात १४,७४९ कोटी रुपयांच्या विक्रमी मासिक ओघाचा टप्पा ओलांडला आहे. या मजबूत प्रवाहामुळे एसआयपी खात्यांतर्गत एकूण गंगाजळी (एयूएम) एप्रिलमधील ७.१७ लाख कोटी रुपयांवरून मे महिन्यात पाच टक्क्यांनी वाढून ७.५३ लाख कोटी रुपये झाली आहे.

हेही वाचाः ५ अन् १० नव्हे तर जुलैमध्ये ‘इतके’ दिवस बँका राहणार बंद; पाहा संपूर्ण यादी

एसआयपी गुंतवणूक खंडित केले जाण्याचे उच्च प्रमाणासह, एसआयपीद्वारे वाढत्या गुंतवणुकीचा प्रवाह पाहता नवीन गुंतवणूकदारांकडून एसआयपीच्या माध्यमातून सरासरी आकारापेक्षा जास्त पैसा गुंतवला जात असल्याचे दर्शविणारे आहे. दुसरीकडे समभागसंलग्न अर्थात इक्विटी म्युच्युअल फंडांच्या विक्रीत महिन्यागणिक २१ टक्क्यांची वाढ होऊन, मे महिन्यांत या फंडातील गुंतवणुकीत ३४,१०० कोटी रुपयांची भर पडली. त्याच वेळी, या फंडातील युनिट्सची विक्री जवळपास ३७ टक्क्यांनी वाढून ३१,१०० कोटी रुपयांवर पोहोचली. परिणामी, निव्वळ ओघ मे महिन्यात ३,२४० कोटी रुपयांच्या नीचांकी पातळीवर घसरला. ओघ घटण्याचा हा एप्रिलपाठोपाठ सलग दुसरा महिना होता.