ॲस्थेटिक इंजिनीयर्सचा ‘आयपीओ’ आजपासून खुला

लघू व मध्यम उद्योगांसाठी स्थापित ‘एनएसई इमर्ज’ या बाजारमंचावर समभागांच्या सूचिबद्धतेसाठी या आयपीओतून ॲस्थेटिक इंजिनीयर्सला २६.४७ कोटी रुपये उभारले जाणे अपेक्षित आहे. यासाठी गुंतवणूकदारांना प्रत्येकी ५५ रुपये ते ५८ रुपये किमतीला कंपनीच्या किमान २००० समभागांसाठी अर्ज दाखल करावा लागेल. नारनोलिया फायनान्शियल सर्व्हिसेस या कंपनीकडून आयपीओचे व्यवस्थापन पाहिले जात आहे. भागविक्रीतून मिळणारा निधी कंपनीच्या आदरातिथ्य, निवासी तसेच वाणिज्य आणि पायाभूत सुविधांच्या क्षेत्रात सध्या सुरू असलेल्या प्रकल्पांतील खेळत्या भांडवलाची गरज म्हणून वापरात येणार आहे.

हेही वाचा >>> परदेशी गुंतवणूकदारांचा ‘आयटी’ समभागांकडे कल; जुलैमध्ये ११,७६३ कोटींची आजवरची सर्वोच्च गुंतवणूक

पॉझिट्रॉन एनर्जी भागविक्रीतून ५१.२१ कोटी उभारणार!

 नैसर्गिक वायूचे संग्रहण आणि वितरण तसेच तेल व वायू क्षेत्रासाठी व्यवस्थापन व तांत्रिक सल्लागार सेवा प्रदान करणाऱ्या पॉझिट्रॉन एनर्जी लिमिटेडने भांडवली बाजारात खुल्या समभाग विक्रीतून (आयपीओ) ५१.२१ कोटी रुपये उभारण्याचे प्रस्तावित केले आहे.

लघू व मध्यम उद्योगांसाठी स्थापित ‘एनएसई इमर्ज’ या बाजारमंचावर समभागांच्या सूचिबद्धतेसाठी पॉझिट्रॉन एनर्जीचा हा आयपीओ येत्या १२ ऑगस्ट ते १४ ऑगस्ट दरम्यान खुला राहील. वैयक्तिक गुंतवणूकदारांना प्रत्येकी २३८ रुपये ते २५० रुपये या किमतीदरम्यान किमान ६०० समभागांसाठी बोली लावणारा अर्ज दाखल करावा लागेल. बीलाईन कॅपिटल ॲडव्हायजर्स ही या आयपीओचे व्यवस्थापन पाहत आहे. भागविक्रीतून मिळणारा निधी कंपनीकडून पूर्णपणे खेळत्या भांडवलाची गरज भागवण्यासाठी केला जाणार आहे.