ॲपल इंडियाच्या नफ्यात ७७ टक्के वाढ, वार्षिक महसूल ५०,००० कोटी रुपयांच्या वेशीवर

आयफोनला भारतातील वाढती मागणी पाहता टाटा समूहाकडून त्यांची भारतात लवकरच निर्मिती केली जाणार आहे. देशांतर्गत बाजारपेठेतील पुरवठ्यासह, निर्यात बाजारपेठेचीही काळजी यातून घेतली जाणार आहे.

व्यवसाय गुणवत्ता क्षेत्रातील टॉफलर या संस्थेने ॲपल इंडियाचे वित्तीय तपशील जाहीर केले आहेत. त्यानुसार, ॲपल इंडियाने मागील आर्थिक वर्षात ४९,३२२ कोटी रुपयांचा महसूल मिळविला. त्याआधीच्या आर्थिक वर्षात कंपनीचा महसूल ३३,३८१ कोटी रुपये होता. कंपनीचा नफा मागील आर्थिक वर्षात ७७ टक्क्यांनी वाढून २,२३० कोटी रुपयांवर पोहोचला आहे. त्याआधीच्या आर्थिक वर्षात तो १,२६३ कोटी रुपये होता. कंपनीचा एकूण खर्च मागील आर्थिक वर्षात ४६,४४४ कोटी रुपये असून, त्याआधीच्या आर्थिक वर्षात तो ३१,६९३ कोटी रुपये होता.