Arvind Kejriwal House Renovation: अरविंद केजरीवालांच्या बंगल्याच्या सजावटीसाठी ४५ कोटींचा खर्च, नुसते पडदे आठ लाखांचे, तर मार्बल… |Arvind Kejriwal bungalow decoration costs 45 crores only curtains cost eight lakhs

Arvind Kejriwal House Renovation: अरविंद केजरीवाल यांच्या बंगल्याच्या नूतनीकरणावर सुमारे ४५ कोटी रुपये खर्च करण्यात आले आहेत. मुख्यमंत्र्यांच्या निवासस्थानी ८-८ लाख रुपयांचा पडदा लावण्यात आला आहे.

Arvind Kejriwal House Renovation: दिल्लीचे मुख्यमंत्री अरविंद केजरीवाल यांच्या बंगल्याच्या नूतनीकरणाचे प्रकरण चांगलेच तापले आहे. मीडिया रिपोर्ट्सनुसार, अरविंद केजरीवाल यांच्या बंगल्याच्या नूतनीकरणावर सुमारे ४५ कोटी रुपये खर्च करण्यात आले आहेत. मुख्यमंत्र्यांच्या निवासस्थानी ८-८ लाख रुपयांचा पडदा लावण्यात आला आहे. त्याचवेळी मार्बल बसवण्यासाठी १ कोटींहून अधिक खर्च करण्यात आलाय. घरात जे गालिचे टाकले आहेत, त्याची किंमत लाखोंच्या घरात आहे; यावरून आता भाजपने दिल्लीचे मुख्यमंत्री अरविंद केजरीवाल यांच्यावर जोरदार हल्ला चढवला आहे. केजरीवाल यांचा खरा प्रामाणिकपणा आता उघड झाल्याची टीका भाजप नेत्याने केली आहे; करोना साथीच्या काळात बंगल्याच्या सजावटीवर एवढा मोठा निधी का खर्च करण्यात आला, असा प्रश्नही आता राजकीय वर्तुळातून उपस्थित करण्यात येतो आहे. त्यावरूनच भाजपनेही आता अरविंद केजरीवाल यांच्या राजीनाम्याची मागणी केली आहे.

घरात काय काय सजावट केली?

दिल्लीचे मुख्यमंत्री अरविंद केजरीवाल यांच्या बंगल्यातील एका पडद्याची किंमत ८ लाख रुपयांच्या घरात आहे आणि असे २३ पडदे मागवण्यात आले आहेत. १ कोटी १५ लाख किमतीचे मार्बल व्हिएतनाममधून आयात करण्यात आले आहेत, तर ४ कोटी किमतीचे प्री-फॅब्रिकेटेड लाकूड बसवण्यात आलेय. The Indian Express ने मिळवलेल्या PWD दस्तऐवजानुसार, घरातील कामासाठी पहिली मंजुरी १ सप्टेंबर २०२० रोजी मिळाली होती. यामध्ये लायटिंग काम आणि स्वयंचलित फायर अलार्म सिस्टमसह आरसीसी-फ्रेम केलेल्या संरचनेवरच्या कामाचा समावेश होता. दुसरी मंजुरी मे २०२१ मध्ये मॉड्यूलर किचन, लॉन्ड्री आणि पॅन्ट्री इत्यादी बनवण्यासाठी देण्यात आली. सार्वजनिक बांधकाम विभागाच्या दस्तऐवजांमध्ये असलेल्या माहितीनुसार, सिव्हिल, इलेक्ट्रिकल आणि प्लंबिंग कामांव्यतिरिक्त विविध वॅटेज आणि आकाराचे स्मार्ट लायटिंग फिक्स्चर (२,४४६ फिक्स्चर), ऊर्जा कार्यक्षम पंखे (८० पंखे) आणि डंबवेटर लिफ्ट (जेवण पोहोचवण्यासाठी) एकूण खर्चाचा भाग आहे.

आणखी वाचा

Municipal employees sealing a property in Kalyan East

कल्याण पूर्वेत थकबाकीदारांच्या मालमत्तांना टाळे

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

mmrda acquire farmers lands in 124 villages of uran panvel and pen for third mumbai

भूसंपादनाविरोधात शेतकऱ्यांची एकजूट; उरण, पनवेलमधील १२४ गावे संपादित करण्याची अधिसूचना

in Mumbai 55 percent increase in price of affordable homes

मुंबई महानगरातील परवडणाऱ्या घरांच्या किमतीत ५५ टक्के वाढ!

रिंग रोडसाठी २०० हेक्टर भूसंपादन बाकी; ५०० कोटींच्या निधीची रस्ते विकास महामंडळाकडे मागणी

Mahindra Thar Earth Edition With More Than 3 Lakh Rupees Discount, See Thar Other Variant Offers

महिंद्रा थारवर मिळतेय ३ लाखांपर्यंत सूट; थार प्रेमींनो आत्ताच उचला संधीची फायदा, जाणून घ्या ऑफर्स डिटेल्स

CIDCO considers extending lottery process for 26 000 houses under My Favorite CIDCO House scheme

२६ हजार घरांच्या सोडत प्रक्रियेस मुदतवाढीचा प्रस्ताव विचाराधीन

Panvel Virar House expensive , House expensive Panvel,

पाच वर्षात पनवेल, विरारची घरे महागली; दोन्ही ठिकाणच्या किमतीत ५८ टक्क्यांनी वाढ

केजरीवालांचा खरा धर्मांध प्रामाणिकपणा आता कुठे उघड झाला, भाजप आक्रमक

दिल्ली सरकारने करदात्यांच्या खिशातील ४५ कोटी रुपये या बंगल्यावर खर्च केल्याचा आरोप करीत दिल्ली विधानसभेतील विरोधी पक्षनेते रामवीर बिधुरी यांनी केजरीवाल हे आलिशान जीवन जगणारा राजा असल्याचे वर्णन केले. ते म्हणाले की, जेव्हा दिल्ली कोविडशी लढत होती, तेव्हा दिल्लीचे मुख्यमंत्री त्यांच्या घराच्या दुरुस्तीवर करोडो रुपये खर्च करीत होते. मुख्यमंत्री होण्यापूर्वी घर, सुरक्षा आणि सरकारी वाहन घेणार नसल्याचं केजरीवालांनी सांगितलं होतं. मात्र त्यांच्या घराच्या दुरुस्तीसाठी ४५ कोटी रुपये खर्च केलेत.

भाजपचे म्हणणे आहे की, हे तेच अरविंद केजरीवाल आहेत, जे गळ्यात मफलर घालून जुन्या गाडीतून प्रवास करायचे. त्यांचे नेते शपथविधीच्या दिवशी ऑटोमधून आले होते. भाजप नेत्यांचे म्हणणे आहे की कोविड १९ च्या काळात जेव्हा दिल्लीतील लोक ऑक्सिजनच्या कमतरतेमुळे मरत होते, तेव्हा केजरीवाल दिल्लीतील लोकांच्या खिशातील ४५ कोटी रुपयांनी आपला वाडा सजवण्यात मश्गुल होते. ज्या वाड्यात ८-८ लाखांत २३ पडदे लावण्यात आले होते. केजरीवाल यांचा ‘साधेपणा आणि प्रामाणिकपणा’ उघड झाला असून, त्यांनी तातडीने राजीनामा द्यावा, असा आरोप भाजपने केला आहे.

हेही वाचाः ‘या’ सरकारी बँकेने व्याजदरात केली वाढ, ५५५ दिवसांच्या एफडीवर मिळतोय मोठा नफा

आम आदमी पक्षाकडून केजरीवालांचा बचाव

आम आदमी पक्षाचे राज्यसभा खासदार राघव चढ्ढा यांनी केजरीवाल यांचा बचाव केला आहे. भाजपच्या आरोपांना प्रत्युत्तर देताना ते म्हणाले की, हे सरकारी घर आहे, ती अरविंद केजरीवाल यांची मालमत्ता नाही. चड्ढा म्हणाले की, जोपर्यंत तुम्ही दिल्लीच्या मुख्यमंत्र्यांच्या निवासस्थानाची किंमत पंतप्रधानांच्या निवासस्थानाशी आणि इतर राज्यांच्या मुख्यमंत्र्यांच्या निवासस्थानाशी तुलना करत नाही, तर तो खर्च कमी की जास्त हे तुम्हाला कसे समजणार. केजरीवाल ज्या घरात राहतात ते घर १९४२ मध्ये बांधले गेले. घराच्या आतील छतापासून बेडरूमपर्यंत पाणी टपकत आहे. सार्वजनिक बांधकाम विभागाने (PWD) ऑडिट केले. मध्य प्रदेशातील मुख्यमंत्री शिवराज यांच्या निवासस्थानाला रंगरंगोटी करण्यासाठी २० कोटी रुपये खर्च करण्यात आले आहेत. पीएम मोदींचे निवासस्थान बांधले जात आहे, ज्याचा अंदाजे खर्च ५०० कोटी असल्याचंही त्यांनी अधोरेखित केले.

हेही वाचाः लॉकडाऊनमध्ये शिकला शेती अन् इंजिनीअरची नोकरी सोडून पोहोचला जपानला, आता वांगी पिकवून लाखो कमावतोय विघ्नेश

First published on: 26-04-2023 at 13:02 IST

Web Title: Arvind kejriwal bungalow decoration costs 45 crores only curtains cost eight lakhs vrd