‘ॲसेटप्लस’ची ५० हजार म्युच्युअल फंड वितरकांची भर घालण्याची योजना

हेही वाचा >>> ‘बीसीसीआय’च्या दिवाळखोरी दाव्याला आव्हान देण्याची ‘बैजूज’ची तयारी

‘ॲसेटप्लस’ ही सुमारे ३,००० कोटी रुपयांची मालमत्ता व्यवस्थापित करणारी देशातील वित्तीय उत्पादनांच्या वितरणातील आघाडीची कंपनी आहे. यामध्ये मासिक ५० कोटी रुपयांची ‘एसआयपी’ गुंतवणूक समाविष्ट आहे. कंपनीचे मुख्याधिकारी विश्रांत सुरेश यांनी माहिती दिल्याप्रमाणे, त्यांनी विकसित केलेले पूर्णपणे डिजिटल तंत्र-व्यासपीठ हे म्युच्युअल फंड वितरक आणि ग्राहक संबंध मजबूत करण्यास आणि त्यांची मालमत्ता वाढविण्यास मदतकारक ठरते.

हेही वाचा >>> बँक ठेवींवर आता ७.३५ टक्क्यांपर्यंत लाभ ! विविध बँकांकडून अतिरिक्त व्याजदराच्या विशेष योजना

म्युच्युअल फंड वितरकांना सर्वसमावेशक तंत्रज्ञान आणि व्यवसाय विकासाचे उपाय प्रदान करून मालमत्ता व्यवस्थापन उद्योगात ‘ॲसेटप्लस’ लक्षणीय प्रगती करत आहे. कंपनीचा ठाम विश्वास आहे की, वितरक हे म्युच्युअल फंड उद्योगाचा कणा आहेत. ते सुजाणता, कौशल्य आणि वैयक्तिकीकृत सेवा प्रदान करून ग्राहकांना दीर्घकालीन आर्थिक उद्दिष्टे साध्य करण्यास मदतकारक ठरतात. अलीकडेच मे महिन्यात, ‘ॲसेटप्लस’ने इनक्रेडचे संस्थापक भूपिंदर सिंग आणि झीरोधाचे मुख्याधिकारी नितीन कामथ यांच्या नेतृत्वाखालील गुंतवणूकदारांकडून ३६ लाख डॉलरचा निधी उभारला आहे. ज्याचा विनियोग वितरक भागीदारांचे जाळे विस्तारण्यासाठी कंपनीकडून केला जाणार आहे.