‘स्पेक्ट्रम’ लिलावांसाठी बँक हमीची अट शिथिल

केंद्रीय मंत्रिमंडळाने २०२२ पूर्वी लिलावाच्या माध्यमातून खरेदी केलेल्या ध्वनिलहरींसाठी (स्पेक्ट्रम) भरलेली बँक हमी सादर करण्याची अट शिथिल करण्याचा निर्णय घेतला, अशी माहिती मंगळवारी सूत्रांनी दिली.

आणखी वाचा

फेअर प्ले बेटिंग अ‍ॅप आयपीएल बेकायदा प्रक्षेपण प्रकरण: ईडीकडून आतापर्यंत ३३५ कोटी रुपयांच्या मालमत्तेवर टाच

‘मायक्रो-रिटायरमेंट’ म्हणजे काय? तरुणांमध्ये का वाढतोय हा ट्रेंड?

राज्यातील ३० धरणांमध्ये भूकंपाचे परिणाम जोखण्यासाठी यंत्रणा

सांगली जिल्ह्यातील ३३२ गांवाचे ड्रोनव्दारे सर्व्हेक्षण; ६७ हजार मिळकतपत्रिका, सनद नकाशे तयार

‘या’ तीन राशीच्या व्यक्तींचे नशीब फळफळणार; सूर्य-शुक्राची युती नव्या वर्षात करणार मालामाल

वीजयंत्रणा सुरळीत ठेवण्यासाठी मोनोपोल

बारवीच्या जांभूळ जलशुद्धीकरण केंद्रात दुरूस्ती; उल्हासनगरसह अंबरनाथ, बदलापुरातील पाणी पुरवठा २४ तास बंद

पुणे : रेल्वे प्रवाशांचा स्थानकावरील प्रतिक्षाकाळ कमी होणार, आराखडा अंतिम टप्प्यात

ऑक्टोबर २०२५ ते सप्टेंबर २०२६ दरम्यान होऊ घातलेल्या ध्वनिलहरी लिलावासाठी बँक हमी म्हणून २४,७४६.९ कोटी रुपये भरावयाचा कालावधी आधीच उलटून गेला असल्यामुळे कर्जजर्जर व्होडाफोन-आयडियाला या निर्णयामुळे मोठा दिलासा मिळण्याची आशा आहे. भारती एअरटेल आणि रिलायन्स जिओ यांच्यासाठी हा निर्णय दिलासादायी ठरणार आहे, त्यांनी २०२२ पूर्वी विविध लिलावांद्वारे ध्वनिलहरींची खरेदी केली आहे. मंत्रिमंडळाने दूरसंचार कंपन्यांनी केलेल्या मागणीनुसार बँक हमीची आवश्यकता माफ केली आहे, असे एका सूत्राने सांगितले.

हेही वाचा >>>आइस्क्रीम व्यवसायाच्या स्वतंत्र सूचिबद्ध कंपनीत विलगीकरणास हिदुस्तान युनिलिव्हरची मान्यता

सुमारे २.२२ लाख कोटी रुपयांच्या कर्जाखाली दबलेल्या व्होडाफोन-आयडियाने पुढील तीन वर्षांच्या कालावधीत दूरसंचार सेवांमध्ये सुधार करण्यासाठी ५५,००० कोटी रुपयांच्या गुंतवणुकीची घोषणा केली आहे. सेवाचा दर्जा सुधारल्यास भविष्यात ग्राहक संख्येतील गळती रोखली जाऊ शकते. अशा स्थितीत बँक हमीमध्ये माफी मोठी परिणामकारक ठरेल, असे व्होडाफोन-आयडियाचे मुख्य कार्यकारी अधिकारी अक्षया मुंद्रा म्हणाले. कंपनीने दूरसंचार सेवांमधील विस्तारासाठी नोकिया, एरिक्सन, सॅमसंगसोबत उपकरण पुरवठ्यासाठी ३०,००० कोटी रुपयांचे करार केले आहेत.