२ हजार रुपयांच्या १.८० लाख कोटी रुपये मूल्याच्या नोटांची बँकवापसी – आरबीआय

दोन हजारांच्या नोटा काढून घेण्याचा निर्णय घेण्यात आला त्यावेळी वितरणातून चलनात त्यांचे प्रमाण १०.८ टक्के होते. हे प्रमाण २०१८ मध्ये ६.७३ लाख कोटी रुपये होते. रिझर्व्ह बँकेने दोन हजारांच्या नोटा वितरणातून काढून घेण्यासाठी ३० सप्टेंबरपर्यंत मुदत दिलेली आहे. तोपर्यंत नागरिकांना या नोटा बँकांमध्ये खात्यावर जमा करता येतील अथवा बदलून मिळतील.

हेही वाचाः Repo Rate : सलग दुसऱ्यांदा रेपो दरात कोणताही बदल नाही, महागाईबाबत RBI गव्हर्नर शक्तिकांत दास यांची मोठी घोषणा

बँकांना दोन हजारांच्या नोटांचा फायदा

रिझर्व्ह बँकेने दोन हजारांच्या नोटा वितरणातून काढून घेण्याचा निर्णय मे महिन्यात घेतला . यामुळे बँकांच्या ठेवींमध्ये दोन लाख कोटी रुपयांची वाढ होईल, असा विश्लेषकांचा अंदाज आहे. विश्लेषकांच्या म्हणण्यानुसार, बँकांचे ठेवींमध्ये वाढ झाल्यास त्यांचा ठेवींवरील खर्च कमी होणार आहे. कर्जाची मागणी स्थिर राहिली तरी यामुळे बँकांच्या निव्वळ व्याज नफ्यात वाढ होणार आहे.

हेही वाचाः ५०० च्या नोटा बंद करण्याचा किंवा १०००च्या सुरू करण्याचा सरकारचा विचार नाही – शक्तिकांत दास