बँकांच्या भागधारकांना अनोखी अनुभूती; कुणा वाट्याला आनंद, कुणा पदरी दुःख!

भांडवली बाजारात खासगी क्षेत्रातील दोन बँकांच्या समभागात मोठे चढ-उतार अनुभवास आले. एकीकडे ॲक्सिस बँकेच्या समभागाने ६ टक्क्यांची उसळी घेतली.

Big fluctuations in the shares of two private sector banks in the capital market

बँकांच्या भागधारकांना अनोखी अनुभूती; कुणा वाट्याला आनंद, कुणा पदरी दुःख! ( संग्रहित छायाचित्र)/ लोकसत्ता

लोकसत्ता व्यापार प्रतिनिधी

मुंबई : भांडवली बाजारात खासगी क्षेत्रातील दोन बँकांच्या समभागात मोठे चढ-उतार अनुभवास आले. एकीकडे ॲक्सिस बँकेच्या समभागाने ६ टक्क्यांची उसळी घेतली. तर दुसरीकडे रिझर्व्ह बँकेची कारवाईचा वार झालेल्या कोटक महिंद्र बँकेच्या समभागाने तब्बल १० टक्क्यांची पडझड अनुभवली.

आणखी वाचा

rs 28677 crore withdrawn by foreign investors from stock market

शेअर बाजाराकडे परदेशी गुंतवणूकदारांची पाठ? बाजार कोसळण्याचे तेच एक कारण?

Nana Patole : निकालाआधी राजकीय घडामोडींना वेग; यातच…

एचडीएफसी पाठोपाठ स्टेट बँकेकडून कर्ज महाग

मंदीच्या सावटाने बाजार गडगडला! अवघ्या दीड महिन्यात सेन्सेक्समध्ये ८,२८७ ने घट

लोकमानस : अर्थव्यवस्थेत वाढ, मग रुपयाची घसरण का?

indian rupee falls to all time low against us dollar

अग्रलेख : काका… मला वाचवा!

public banks profit increase by 26 percent in first half fy 25

सरकारी बँकांच्या नफ्यात सहामाहीत २६ टक्के वाढ

Abhishek Lodha transferred 18 percent stake in the company to a charitable trust print eco news

आता लोढादेखील टाटांच्या दानकर्माच्या वाटेवर; धर्मादाय न्यासाला कंपनीतील १८ टक्के हिस्सा हस्तांतरित

खासगी क्षेत्रातील आघाडीची बँक असलेल्या ॲक्सिस बँकेने बुधवारी नफ्याची कामगिरी जाहीर करण्यासह, समभाग आणि रोख्यांच्या माध्यमातून ५५,००० कोटी रुपयांचा निधी उभारण्याची घोषणा केली. परिणामी त्याचे सकारात्मक पडसाद गुरुवारी समभागावर उमटले. समभाग राष्ट्रीय शेअर बाजारात ६ टक्क्यांनी म्हणेजच ६३.७५ रुपयांनी वधारून १,१२७ रुपयांवर बंद झाला. परिणामी बँकेचे बाजार भांडवल १९,६९५.९६ कोटी रुपयांनी वाढून ३,४८,०१४.४५ कोटी रुपयांवर पोहोचले आहे. बाजार मूल्यांकनाच्या बाबतीत ॲक्सिस बँक ही देशातील चौथी सर्वात मूल्यवान बँक ठरली. एचडीएफसी बँक, आयसीआयसीआय बँक आणि स्टेट बँक बाजार मूल्यांकनाच्या बाबतीत ॲक्सिस बँकेच्या पुढे आहेत.

हेही वाचा >>>Amit Shah Investment: अमित शाह यांच्याकडे कुठल्या कंपनीचे किती शेअर्स आहेत माहीत आहे?

त्या उलट खासगी क्षेत्रातील दुसरी आघाडीची बँक असलेल्या कोटक महिंद्र बँकेच्या समभागात १० टक्क्यांची घसरण झाली. रिझर्व्ह बँकेने कारवाईचा बडगा उगारत या बँकेला ऑनलाइन आणि मोबाइल बँकिंग माध्यमातून नवीन ग्राहक नोंदवण्यावर तसेच नव्याने क्रेडिट कार्ड वितरित करण्यावर बुधवारी निर्बंध लादले. त्याचे तीव्र पडसाद बँकेच्या समभागावर उमटले. मुंबई शेअर बाजारात समभाग १०.८५ टक्क्यांनी कोसळला, अर्थात २००.०५ रुपयांच्या घसरणीसह १,६४३ रुपयांवर बंद झाला. परिणामी कोटक बँकेचे बाजार भांडवल बुधवारच्या सत्रातील ३.६६ लाख कोटी रुपयांवरून ते ३.२६ लाख कोटींपर्यंत खाली आले.

सरकारी बँका तेजीत

गुरुवारच्या सत्रात सार्वजनिक क्षेत्रातील सर्वात मोठी बँक असलेल्या स्टेट बँकेचा समभाग ५.१२ टक्क्यांनी वधारला. तो दिवसअखेर ३९.६० रुपयांनी वधारून ८१२ रुपयांवर स्थिरावला. समभागाने प्रथमच ८१४.४० रुपयांच्या सर्वोच्च पातळीला स्पर्श केला. सरकारी क्षेत्रातील सर्वात मोठी बँक असून तिचे ७,२५,३०३ कोटींचे बाजार भांडवल आहे. कॅनरा बँकेने देखील ३.३३ टक्क्यांची उसळी घेतली आणि ६१६.८५ रुपयांवर स्थिरावला. त्यापाठोपाठ बँक ऑफ इंडिया ४.०८ टक्के, बँक ऑफ बडोदा ३.६९ टक्के, युनियन बँक १.९५ टक्के, बँक ऑफ महाराष्ट्रचा समभाग दीड टक्क्यांनी वधारला.

First published on: 26-04-2024 at 07:45 IST

Web Title: Big fluctuations in the shares of two private sector banks in the capital market print eco news amy