पीटीआय, नवी दिल्ली
घाऊक किंमत निर्देशांकाचे आधार वर्ष सध्याच्या २०११-१२ वरून २०२२-२३ असे करण्यासाठी केंद्र सरकारने १८ सदस्यीय कार्यकारी समिती स्थापन केली केली आहे. या समितीच्या अध्यक्षपदी निती आयोगाचे सदस्य रमेश चंद हे आहेत. देशातील घाऊक महागाई दराचे अधिक वास्तवदर्शी चित्र समोर येण्यास मदत व्हावी, या हेतूने घाऊक किंमत निर्देशांकाचे आधार वर्ष बदलण्यात येणार आहे. यासंबंधाने विचारार्थ सरकारने समिती स्थापन केली आहे. घाऊक किंमत निर्देशांक आणि उत्पादक खर्च निर्देशांक (पीपीआय) यांचे आधार वर्ष २०२२-२३ करण्यासह, निर्देशांकांतील विचारात घेतल्या जाणाऱ्या वस्तूंची सूची, त्या वस्तूंच्या सध्याच्या किमती संकलनाची व्यवस्था आणि अन्य सुधारणांच्या दृष्टिकोनातून बदल या समितीकडून सुचविले जातील. घाऊक किंमत निर्देशांक आणि उत्पादक खर्च निर्देशांकासाठी गणना पद्धती कोणती स्वीकारायची याबाबतही समितीकडून शिफारस केली जाणार आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
