Sarbananda Sonowal : जागतिक नौकावहन केंद्र म्हणून देशाची महत्त्वाकांक्षा – सोनोवाल

देशातील बंदर क्षमता सहा पटीने वाढवून २०४७ पर्यंत १०,००० दशलक्ष टन प्रतिवर्ष पातळीपर्यंत पोहोचवण्याच्या तयारी देशात सुरू असल्याचाही सोनोवाल यांनी येथे आयोजित ‘फिक्की मेरीटाईम कॉन्फरन्स आणि एक्स्पो २०२५’ मध्ये बोलताना केला. प्रमुख बंदरे सध्या ८२० दशलक्ष टन माल-हाताळणी सध्या करत आहेत, ज्यात २०१४ पासून ४७ टक्के वाढ झाली आहे. याशिवाय, एकूण बंदर क्षमता याच कालावधीत दुपटीने १६३० दशलक्ष टन झाली आहे, असे ते म्हणाले.

आणखी वाचा

पंतप्रधान मोदींच्या हस्ते नौदलात एकाच दिवशी दोन युद्धनौका, एक पाणबुडी दाखल… भारताच्या युद्धसज्जतेत किती भर?

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

महामुंबईच्या पाण्याची आता कोंढाणेवर मदार; सात वर्षांनंतर धरणाच्या बांधणीसाठी हालचालींना वेग

सर्व आश्वासने पूर्ण करणार! बोगद्याच्या उद्घाटनानंतर पंतप्रधानांची जम्मूकाश्मीरच्या जनतेला ग्वाही

वर्षभरात अटल सेतूवरुन धावली ८२ लाख ८१ हजार वाहने, सेतू वाहतूक सेवेत दाखल होऊन एक वर्षे पूर्ण

समुद्री घोड्यांच्या संवर्धन, प्रजनन प्रकल्पासाठी सिंधुदुर्गची निवड

‘वाढवण’साठी ठोस पावले; ३१ मार्चपर्यंत जमीन अधिग्रहण, परवानग्या पूर्ण करा; मुख्यमंत्र्यांचे आदेश

२०२५ मध्ये जागतिक अर्थव्यवस्था कशी असेल?

हेही वाचा :HDFC Bank : एचडीएफसी बँकेचा नफा २.३ टक्के वाढीसह १७,६५७ कोटींवर

‘भारताचे समुद्री क्षेत्र देशाच्या आर्थिक पुनरुत्थानाचा कणा बनले आहे,’ असे नमूद करत, सध्या सुरू असलेल्या विस्तार योजनेमध्ये दोन प्रमुख महाकाय बंदरांचा विकास समाविष्ट असल्याचे त्यांनी सांगितले. ज्यात भारताचे सर्वात मोठे कंटेनर सुविधा केंद्र ठरणारे महाराष्ट्रातील वाढवण बंदर आणि येथील प्रमुख जागतिक व्यापार मार्गांवर ट्रान्सशिपमेंट व्यापार आकर्षित करणाऱ्या ग्रेट निकोबारच्या गालाथिया बे बंदराचा त्यांनी आवर्जून उल्लेख केला. या पायाभूत सुविधा आर्थिक समृद्धी आणि रोजगार निर्मितीचा मोठा आधार बनतील, असे सोनोवाल म्हणाले.

हेही वाचा :रिझर्व्ह बँक महागाईदरबाबत काय निर्णय घेणार?

ट्रिलियन डॉलर गुंतवणुकीचे लक्ष्य

या वेळी बोलताना, बंदरे, जहाजबांधणी आणि जलमार्ग मंत्रालयाचे सचिव टी. के. रामचंद्रन म्हणाले, भारताच्या सागरी क्षेत्राचे २०४७ पर्यंत एक लाख कोटी (ट्रिलियन) डॉलर गुंतवणुकीचे लक्ष्य आहे. त्याचबरोबर, प्रमुख बंदरांवर ग्रीन हायड्रोजन उत्पादन केंद्र उभारण्याच्या योजना सुरू आहेत. कांडला, तुतिकोरिन आणि पारादीप बंदरांवर ग्रीन हायड्रोजन प्रकल्पांसाठी ४,००० एकर जमीन भाड्याने दिली गेली आहे. या ठिकाणी गुंतवणूक करण्यासाठी सहा कंपन्या पुढे आल्या असून, तेथून उत्पादन वर्षभरात सुरू होणे अपेक्षित असल्याचे रामचंद्रन यांनी सांगितले.