वाणिज्य वापराच्या ‘एलपीजी’मध्ये ३९.५० रुपयांनी दरकपात; घरगुती वापराच्या सिलिंडरच्या किमती मात्र जैसे थे

हॉटेल आणि उपाहारगृहांसारख्या विविध आस्थापनांमध्ये वाणिज्य कारणासाठी वापरल्या जाणाऱ्या एलपीजीची किंमत आता मुंबईत १,७१० रुपये असेल. तर नवी दिल्लीमध्ये तो आता १,७९६.५० रुपयांच्या तुलनेत १,७५७ रुपयांना मिळेल, असे तेल कंपन्यांनी दिलेल्या अधिसूचनेत म्हटले आहे.

आणखी वाचा

रिलायन्स इंडस्ट्रीजचा तिमाही नफा वाढून १८,५४० कोटींवर; शेअरच्या भाव वाढेल काय, विश्लेषकांचे अंदाज काय?  

…तर औषधाची गरजच नाही! वाचा निरोगी आयुष्य जगण्यासाठी…

New Honda Dio 2025 : ७५ हजारांमध्ये लाँच झाली नवीन होंडा डियो; जाणून घ्या, काय आहेत नवीन फीचर्स

अडीच कोटी वाहनांची वर्षभरात विक्री; ‘सियाम’ची आकडेवारी; २०२३ च्या तुलनेत १२ टक्क्यांची वाढ

फक्त १ लाख रुपयात लॉंच होऊ शकते ‘ही’ इलेक्ट्रिक कार! सिंगल चार्जवर मिळेल १९२ किमीची रेंज

रुपयाची दोन वर्षांतील सर्वांत मोठी गटांगळी

पीठ कंपन्यांना जाणवतोय गव्हाचा तुटवडा; जाणून घ्या, अन्न महामंडळाची भूमिका किती महत्त्वाची

रुपया ८५.८७ च्या गाळात!

सार्वजनिक क्षेत्रातील इंडियन ऑइल कॉर्पोरेशन, भारत पेट्रोलियम कॉर्पोरेशन लिमिटेड आणि हिंदुस्तान पेट्रोलियम कॉर्पोरेशन लिमिटेड या तेल कंपन्यांनी २० दिवसांपूर्वीच म्हणजेच १ डिसेंबर रोजी वाणिज्य वापराच्या एलपीजीच्या किमतीत २१ रुपयांनी वाढ केली होती.

पेट्रोल-डिझेलच्या किमतीत बदल नाहीच!

सार्वजनिक क्षेत्रातील तेल कंपन्या मागील महिन्यातील सरासरी आंतरराष्ट्रीय किमतीच्या आधारे प्रत्येक महिन्याच्या १ तारखेला एलपीजी आणि अन्य इंधनाच्या किमतीचा आढावा घेऊन, त्यात वाढ-घट जाहीर करतात. उल्लेखनीय म्हणजे तेलाच्या आंतरराष्ट्रीय किमतीत मोठे चढ-उतार होऊनही पेट्रोल आणि डिझेलच्या किरकोळ विक्री किमतीत सलग २१व्या महिन्यांत कोणतेही बदल झालेले नाहीत. शिवाय सार्वत्रिक निवडणुकाही नजीक येऊन ठेपल्याने आणखी काही महिने तरी त्यात कोणताही बदल संभवत नाही, असे विश्लेषकांचे मत आहे.