सार्वजनिक क्षेत्रातील पंजाब नॅशनल बँक (PNB) ही IVR आधारित UPI सोल्यूशन UPI123pay सादर करणारी पहिली सार्वजनिक क्षेत्रातील बँक बनली आहे. डिजिटल पेमेंट व्हिजन २०२५ अंतर्गत कॅशलेस आणि कार्डलेस सोसायटी तयार करण्यासाठी बँकेने ही सेवा सुरू केली आहे. भारतातील मोठी लोकसंख्या ग्रामीण आणि निमशहरी भागात राहते. आमच्या सुमारे ६३ टक्के शाखा ग्रामीण आणि शहरी भागात आहेत. यामुळे देशातील दुर्गम भागात पीएनबीचा मोठा ग्राहकवर्ग आहे आणि या भागातील मोठ्या संख्येने अजूनही कीपॅड फोन वापरतात, असंही पीएनबीचे एमडी आणि सीईओ म्हणाले. UPI123PAY सुरू केल्यामुळे या ग्राहकांना UPI ची सुविधा मिळेल. यामुळे भारतभरात कोठेही कोणालाही पैसे देणे शक्य होणार आहे. PNB ने सुरू केलेल्या UPI123PAY सेवेसह तुम्ही PNB ग्राहकांचे पैसे इतर बँकांच्या ग्राहकांना देखील हस्तांतरित करू शकणार आहात.
UPI123PAY म्हणजे काय?
युनिफाइड पेमेंट्स इंटरफेस (UPI) एक 24*7 पेमेंट चॅनेल आहे. हे कोणत्याही वापरकर्त्याला काही सेकंदात रिअल टाइम पेमेंट सुविधा प्रदान करते. सध्या UPI पेमेंट करण्यासाठी वापरकर्त्याला चांगले इंटरनेट कनेक्शन आणि स्मार्टफोन आवश्यक आहे. ज्यामध्ये UPI123PAY हा या समस्येवर उपाय आहे. त्याच्या मदतीने कोणत्याही फोनवरून UPI व्यवहार करता येतात. इंटरनेटशिवायही UPI व्यवहार होऊ शकतात.
UPI123PAY कसे वापरायचे?
सर्वप्रथम तुम्हाला बँकेचा IVR क्रमांक ९१८८१२३१२३ डायल करावा लागेल.
त्यानंतर लाभार्थीची निवड करावी लागेल.
त्यानंतर व्यवहाराचे प्रमाणीकरण करावे लागेल.
UPI123PAY अनेक भाषांमध्ये उपलब्ध असेल. वापरकर्ते त्यांच्या सोयीनुसार भाषा निवडू शकतात.
हेही वाचाः LIC च्या ‘या’ पॉलिसीमध्ये १०,००० रुपये गुंतवा, तुम्हाला मॅच्युरिटीवर ३ लाख रुपये मिळणार
