direct tax collection increased by 19 percent to rupees 21 88 lakh crores प्रत्यक्ष कर संकलन १९ टक्क्यांनी वधारून २१.८८ लाख कोटींवर

यंदा वैयक्तिक प्राप्तिकर संकलनासह कंपनी कर संकलन आणि रोखे व्यवहार कर अर्थात सिक्युरिटीज ट्रान्झॅक्शन टॅक्स (एसटीटी) संकलन वाढवल्याने एकूण कर महसूल वाढला असल्याचे अर्थमंत्रालयाने सांगितले.

Written by लोकसत्ता टीम

नवी दिल्ली

February 12, 2025 22:20 IST

प्रत्यक्ष कर संकलन १९ टक्क्यांनी वधारून २१.८८ लाख कोटींवर (संग्रहित छायाचित्र)

पीटीआय, नवी दिल्ली
देशाचे निव्वळ प्रत्यक्ष कर संकलन १० फेब्रुवारी २०२५ पर्यंत वार्षिक तुलनेत १९ टक्क्यांनी वाढून २१.८८ लाख कोटी रुपयांपेक्षा जास्त झाले आहे, असे केंद्रीय अर्थमंत्रालयाने बुधवारी स्पष्ट केले. परताव्यापूर्वी एकूण प्रत्यक्ष कर संकलन या कालावधीत १९.०६ टक्क्यांनी वाढून २०.६४ लाख कोटी रुपये झाले आहे, जे मागील वर्षाच्या याच कालावधीपर्यंत १८.३८ लाख कोटी रुपये होते. यंदा वैयक्तिक प्राप्तिकर संकलनासह कंपनी कर संकलन आणि रोखे व्यवहार कर अर्थात सिक्युरिटीज ट्रान्झॅक्शन टॅक्स (एसटीटी) संकलन वाढवल्याने एकूण कर महसूल वाढला असल्याचे अर्थमंत्रालयाने सांगितले. वैयक्तिक प्राप्तिकर संकलन १० फेब्रुवारीपर्यंत उपलब्ध तपशिलानुसार, ११.२८ लाख कोटी रुपयांवर पोहोचले आहे. जे मागील वर्षी याच कालावधीपर्यंत ते ९.३० लाख कोटी रुपये होते. कंपन्यांकडून होणाऱ्या कर संकलनात देखील मोठी वाढ झाली आहे. ते १० फेब्रुवारीपर्यंत १०.०८ लाख कोटी रुपये झाले आहे. गेल्या वर्षी या कालावधीत ते ८.७४ लाख कोटी रुपये होते.

प्रत्यक्ष कराचा एक महत्त्वाचा घटक असलेला भांडवली बाजरातील रोखे व्यवहार कर अर्थात सिक्युरिटीज ट्रान्झॅक्शन टॅक्स (एसटीटी) या कालावधीत ४९,२०१ कोटी रुपयांवर पोहोचला, जो मागील वर्षी याच कालावधीपर्यंत २९,८०८ कोटी रुपये होता. तर या कालावधीत एकूण ४.१० लाख कोटी रुपयांचे कर परतावे (रिफंड) जारी करण्यात आले, त्यातही वार्षिक तुलनेत ४२.६३ टक्क्यांची वाढ झाली आहे. वाढलेल्या कर संकलनाच्या जोरावर केंद्र सरकारला मोठ्या पायाभूत सुविधा उभारणीसाठी गुंतवणूक आणि कल्याणकारी योजनांसाठी निधी प्राप्त होतो. परिणामी, आर्थिक विकासाला चालना मिळण्यासाठी हा महसुली स्रोत महत्त्वाचा आहे. केंद्र सरकारने पुढील आर्थिक वर्षात वित्तीय तूट सकल देशांतर्गत उत्पादनाच्या (जीडीपी) ४.४ टक्क्यांपर्यंत कमी करण्याचे उद्दिष्ट राखले आहे.

आणखी वाचा

Income tax slabs for 2025-26 explained with focus on individuals earning slightly above Rs 12 lakh and marginal relief.

१२ लाखांपेक्षा थोडेसे जास्त उत्पन्न असणाऱ्यांना कर सवलत मिळणार का? जाणून घ्या कसा मोजायचा Marginal Relief चा लाभ

Best Vegetables for Vegetarians and Non-vegetarians

Vegetables for Nonvegetarians ‘ही’ भाजी मांसाहार करणाऱ्यांकरता आवश्यक…;…

Income Tax : “वर्षाला ६० लाख रुपयांपेक्षा कमी कमावणारे सर्व गरीब, कारण ७० टक्के पगार तर…” तंत्रज्ञाची पोस्ट व्हायरल

पालिकेच्या अर्थसंकल्पाला मालमत्ता कराचा हात; १२५० कोटींनी उद्दिष्ट वाढले; ७५ टक्के मालमत्ता कर वसूल

Budget New Income Tax Act for tax reforms

कर सुधारणांसाठी नवीन प्राप्तिकर कायदा

अर्थसंकल्पानंतर तुमचा इन्कम टॅक्स वाढला की कमी झाला? जाणून घ्या सोप्या भाषेत (फोटो सौजन्य लोकसत्ता ग्राफिक्स टीम)

Income Tax Budget 2025 : १२.७५ लाख रुपयांचे उत्पन्न करमुक्त, ४ ते ८ लाख रुपयांवर ५ टक्के प्राप्तीकर कसा?

१ हजार रुपये अधिक उत्पन्नामुळे ६० हजारांचा फटका, टॅक्सच्या भितीने नोकरदारांवर पगार कमी करून घेण्याची वेळ

१२ लाखांहून कमी उत्पन्न असणाऱ्यांसाठीही टॅक्स स्लॅब, त्याचा नेमका अर्थ काय?

Web Title: Direct tax collection increased by 19 percent to rupees 21 88 lakh crores print eco news css