Elon Musk Tesla Office: टेस्ला भारतात आपला मोटार वाहन व्यवसाय विस्तारण्यासाठी सज्ज झाला आहे. एलॉन मस्कच्या टेस्ला इंडिया मोटर अँड एनर्जी प्रायव्हेट लिमिटेडने पुण्यातील पंचशील बिझनेस पार्क येथे कार्यालयासाठी जागा भाड्याने घेतली आहे. टेस्ला अधिकाऱ्यांच्या शिष्टमंडळाने भारतातील इलेक्ट्रिक कारच्या विक्रीसाठी प्रोत्साहन आणि फायद्यांबाबत चर्चा करण्यासाठी वाणिज्य आणि उद्योगमंत्र्यांची भेट घेतल्यानंतर कंपनीने हे पाऊल उचलले आहे.

भाडे दरवर्षी ५ टक्क्यांनी वाढणार

कार्यालयाची जागा टेस्लाच्या भारतीय उपकंपनीकडून पाच वर्षांसाठी भाडेतत्त्वावर घेण्यात आली आहे. टेस्ला उपकंपनीने पंचशील बिझनेस पार्कमधील बी विंगच्या पहिल्या मजल्यावर ५५८० चौरस फूट कार्यालयाची जागा घेतली आहे. टेबलस्पेस टेक्नॉलॉजीज प्रायव्हेट लिमिटेडबरोबर हा करार करण्यात आला आहे. त्याचे भाडे १ ऑक्टोबर २०२३ पासून सुरू होणार आहे आणि दोन्ही कंपन्यांनी दरवर्षी ५ टक्के वाढीसह ३६ महिन्यांच्या लॉक-इन कालावधीवर सहमती दर्शविली आहे. या कंपनीची इच्छा असल्यास ती आणखी पाच वर्षांसाठी भाडेकरार वाढवू शकते.

आणखी वाचा
NCP Sharad Pawar group leader Jitendra Awad allegation regarding the project contractor thane
प्रकल्प कंत्राटदार आधीच ठरतो मग, कंत्राट काढले जाते; राष्ट्रवादी (शरद पवार गट) चे नेते जितेंद्र आव्हाड यांचा आरोप
aarya jadhao missing in Bigg boss marathi reunion
Bigg Boss Marathi 5: सर्व एलिमिनेटेड सदस्यांची घरात…
Cement concreting roads Mumbai, IIT, roads Mumbai,
मुंबई : रस्त्यांच्या सिमेंट कॉंक्रीटीकरणाला सुरुवात, आयआयटीची गुणवत्ता तपासणीही सुरू
strike the employees of the motor vehicle department for various demands pune news
‘आरटीओ’तील संपात मध्यस्थ तेजीत! नागरिकांकडून राजरोस जादा पैशांची लूट सुरू; अधिकारी बघ्याच्या भूमिकेत
University of Mumbai, Artificial Intelligence Model,
कृत्रिम बुद्धिमत्ता मॉडेलच्या विकासासाठी मुंबई विद्यापीठाची अनोखी झेप! आजारांचे आगाऊ निदान होणार…
Inspection of pit by Geological Survey Further action only after receipt of report
‘भूवैज्ञानिक सर्वेक्षण’कडून खड्ड्याची पाहणी, अहवाल प्राप्त झाल्यानंतरच पुढील कार्यवाही
Bombay HC
उच्च न्यायालयाने केंद्र सरकारचा ‘fake news’ fact check rule मोडीत का काढला? त्रयस्थ न्यायाधीशांची गरज का भासली?
Separate compartment, senior citizens,
दोन वर्षात ज्येष्ठ नागरिकांसाठी लोकलमध्ये स्वतंत्र डबा, एका मालडब्याचे ज्येष्ठांसाठीच्या डब्यात रूपांतर, रेल्वे प्रशासनाची उच्च न्यायालयाला माहिती

हेही वाचाः मोदी सरकारने आणखी एका सरकारी कंपनीला दिला ‘नवरत्न’चा दर्जा, यादीत आता १४ नावांचा समावेश

भाडे किती ठरले?

रिअल इस्टेट अॅनालिटिक्स फर्म CRE मॅट्रिक्सच्या मते, टेस्लाने ६० महिन्यांसाठी जागा भाड्याने घेण्यासाठी ११.६५ लाख रुपये मासिक भाडे आणि ३४.९५ लाख रुपये सुरक्षा ठेव भरली आहे. खरं तर पंचशील बिझनेस पार्क सध्या बांधकामाधीन आहे आणि त्याचा एकूण आकार १०,७७,१८१ चौरस फूट आहे. हे पुणे आंतरराष्ट्रीय विमानतळापासून तीन किलोमीटर अंतरावर आहे.

हेही वाचाः Money Mantra : तुम्ही पंजाब नॅशनल बँकेचे ग्राहक असाल तर ही बातमी वाचाच…

उपकंपनी २०१९ मध्ये उघडण्यात आली

इकॉनॉमिक टाइम्समधील वृत्तानुसार, भारत सरकार टेस्लाच्या परदेशी पुरवठादारांना विशेषत: चिनी पुरवठादारांना देशात उत्पादन करण्याची परवानगी देऊ शकते. सरकारने याबाबत कोणतीही इच्छा व्यक्त केलेली नाही. टेस्लाने २०१९ मध्ये बंगळुरूमध्ये आपली भारतीय उपकंपनीची नोंदणी केली होती. याशिवाय देशात इलेक्ट्रिक वाहने आणि ईव्ही बॅटरी बनवण्यासाठी कारखाना उभारण्याची योजना आखण्यात आली होती. त्यासाठी एखादे कार्यालय भाडेतत्त्वावर घेण्याचेही ठरले होते.