परकीय चलन गंगाजळी १५ महिन्यांतील उच्चांकासह ६०९ अब्ज डॉलरपुढे

ऑक्टोबर २०२१ मध्ये, देशाच्या परकीय चलन गंगाजळीने ६४५ अब्ज डॉलर अशी उच्चांकी पातळी गाठली होती.

परकीय चलन गंगाजळी १५ महिन्यांतील उच्चांकासह ६०९ अब्ज डॉलरपुढे( संग्रहित छायाचित्र)/ लोकसत्ता

मुंबई : भारताच्या परकीय चलन गंगाजळीत वाढ झाली असून, १४ जुलै रोजी संपलेल्या आठवड्याच्या अवधीत गंगाजळी १२.७४ अब्ज डॉलरने वाढून ६०९.०२ अब्ज डॉलरवर पोहोचली असून ही तिची मागील १५ महिन्यांतील उच्चांकी पातळी आहे, असे रिझर्व्ह बँकेने शुक्रवारी प्रसिद्ध केलेली आकडेवारी स्पष्ट करते. आधीच्या आठवड्यात परकीय चलन गंगाजळी ५९६.२८ अब्ज डॉलर पातळीवर होती.

ऑक्टोबर २०२१ मध्ये, देशाच्या परकीय चलन गंगाजळीने ६४५ अब्ज डॉलर अशी उच्चांकी पातळी गाठली होती. तर भांडवली बाजारात झालेली घसरण, रशिया-युक्रेन युद्ध, खनिज तेलाच्या दराने गाठलेला उच्चांक आणि परदेशी संस्थात्मक गुंतवणूकदारांच्या निधीचे निर्गमन यामुळे गेल्या वर्षी ऑक्टोबर २०२२ मध्ये ती ५२४.५२ अशी दोन वर्षांतील नीचांकी पातळीवर गडगडली होती. मात्र सध्या भांडवली बाजारातील विक्रमी तेजी आणि परकीय संस्थात्मक गुंतवणूकदारांकडून सुरू राहिलेला डॉलर-पौंडाचा लक्षणीय ओघ या जोरावर गंगाजळीने पुन्हा एकदा ६०० अब्ज डॉलरचा टप्पा ओलांडला आहे.

आणखी वाचा

Thane Anti Corruption Bureau arrested senior clerk for demanding two percent to clear dues

लाचेप्रकरणी सार्वजनिक बांधकाम विभागातील वरिष्ठ लिपीक अटकेत

‘मायक्रो-रिटायरमेंट’ म्हणजे काय? तरुणांमध्ये का वाढतोय हा ट्रेंड?

अमरावती : शेअर बाजारात नफ्याचे आमिष; तब्बल २१.९२ लाखांची…

यंदा नवी मुंबईत १ अब्ज ३७ कोटींहून अधिक रुपयांची सायबर लूट

Petrol And Diesel Prices : महाराष्ट्रातील पेट्रोल-डिझेलचे नवे दर जाहीर! तुमच्या शहरांत एक लिटरसाठी किती रुपये मोजावे लागतील?

students failed in 5th and 8th standard in maharashtra

राज्यात पाचवी, आठवीचे किती विद्यार्थी अनुत्तीर्ण?

rupee continues to depreciate, US dollar, rupee ,

रुपयाचे मूल्य आणखी खोलात!

पगारदारांच्या ‘इन्कम टॅक्स’मध्ये कपात? क्रयशक्तीत वाढीसाठी अर्थमंत्र्यांकडून उपाय शक्य

नॅशनल सिक्युरिटीज डिपॉझिटरी लिमिटेडने दिलेल्या आकडेवारीनुसार, परकीय गुंतवणूकदारांनी गेल्या तीन महिन्यांत भारतीय भांडवली बाजारात १,६०० कोटी डॉलर मूल्याची नक्त समभाग खरेदी केली आहे.

GAURAV MUTHE

First published on: 22-07-2023 at 11:35 IST

Web Title: Foreign exchange reserves hit 15 month high ahead of dollar 609 billion print eco news amy