परदेशी गुंतवणूकदारांचा ‘आयटी’ समभागांकडे कल; जुलैमध्ये ११,७६३ कोटींची आजवरची सर्वोच्च गुंतवणूक

अमेरिकी मध्यवर्ती बँक फेडरल रिझर्व्हने सप्टेंबरपासून दरकपातीचे संकेत दिल्याने परदेशी गुंतवणूकदारांनी उदयोन्मुख देशातील भांडवली बाजाराकडे मोर्चा वळवला आहे. परिणामी देशांतर्गत आघाडीवर त्यांनी माहिती-तंत्रज्ञान क्षेत्रातील कंपनीचे समभाग खरेदीचे स्वारस्य दाखवले, असे विश्लेषकांनी सांगितले. तथापि अमेरिकेतील मंदीच्या भीतीने सुरू झालेल्या पडझडीत मागील तीन सत्रांत, स्थानिक बाजारात त्यांची भूमिका निव्वळ विक्रेता अशी राहिली असून, ऑगस्टमध्ये त्यांनी आजवर जवळपास १७,००० कोटी रुपयांची गुंतवणूक काढून घेतल्याचीही बाजारांकडून उपलब्ध आकडेवारी दर्शविते.

आणखी वाचा

Money Mantra : दिवाळीच्या आधी मार्केट का घसरलं?

महाराष्ट्राचा पुढचा मुख्यमंत्री कोण होईल? राज ठाकरेंनी थेट…

मार्ग सुबत्तेचा : आंतरराष्ट्रीय गुंतवणूक करताना….

गोल्ड ईटीएफमध्ये २०२४ मध्ये ७,३६७ कोटींची गुंतवणूक

ह्युंदाईच्या समभागाकडून गुंतवणूकदारांच्या पदरी निराशा; पदार्पणालाच ७ टक्के घसरणीने तोटा

विश्लेषण : मुंबईत फेरीवाला धोरणाची अंमलबजावणी दहा वर्षे का रखडली? मुजोर फेरीवाल्यांना ‘राजकीय आशिर्वाद’?

ऐतिहासिक ७७,७०१ कोटींची विदेशी गुंतवणूक ऑक्टोबरमध्ये माघारी, सेन्सेक्स, निफ्टीच्या घसरणीत आणखी  विस्तार

म्युच्युअल फंडातील उभारता ‘फ्लेक्झीकॅप’ – ३६० वन फ्लेक्झीकॅप फंड

हेही वाचा >>> पेटीएममधील गुंतवणुकीतून जपानच्या सॉफ्टबँकेला ४.५ हजार कोटींचे नुकसान

आघाडीच्या दोन आयटी कंपन्या, टाटा कन्सल्टन्सी सर्व्हिसेस आणि इन्फोसिसने सरलेल्या जून-तिमाहीत चमकदार आर्थिक कामगिरी केली. त्या तुलनेत मात्र तिसरी मोठी आयटी कंपनी असलेल्या विप्रोने गुंतवणूकदारांची निराशा केली. डॉलरच्या तुलनेत रुपयातील घसरण कंपन्यांच्या पथ्यावर पडली. निफ्टी आयटी निर्देशांक जुलैमध्ये सुमारे १३ टक्क्यांनी वधारला असून ऑगस्ट २०२१ नंतरची या निर्देशांकाची ही सर्वोत्तम मासिक कामगिरी आहे. आयटी क्षेत्राबरोबरच वाहन निर्मिती, धातू आणि भांडवली वस्तू क्षेत्रातील कंपन्यांच्या समभागांना चांगली मागणी होती. ‘एनएसडीएल’च्या आकडेवारीनुसार, एफपीआयने जुलैमध्ये ३२,३६५ कोटी रुपयांची गुंतवणूक केली, जी चार महिन्यांच्या उच्चांकी आहे.