Gold Silver Price Today : ऐन निवडणुकीत सोन्याच्या दरात पुन्हा तेजी! नेमकं किती रुपयांनी महागलं; वाचा तुमच्या शहरातील दर

देशात आज सोन्याचे- चांदीचे दर नेमके काय आहेत? (Gold-Silver Price On 20 November 2024)

आज २० नोव्हेंबर रोजी देशात सोन्या-चांदीचे दर वाढल्याचे दिसून आले, दरम्यान पुन्हा वाढलेले हे दर पाहता सर्वसामान्यांना सोने-चांदी खरेदी करणे आवाक्याबाहेर आहे. आज देशात २४ कॅरेट १० ग्रॅम सोन्याचा दर ७५ हजार ९२० रुपये आहे. तर १ किलो चांदीचा दर ९१ हजार ०४० रुपये आहे. एका आठवड्याभराचा विचार केल्यास सोन्याचे दर ७४ हजार ७५० रुपयांवरुन आज पुन्हा ७५ हजार ९२० रुपयांवर पोहोचला आहे. तर चांदीचे दर ८९ हजार ५८० रुपयांवरुन आज ९१ हजार ०४० रुपयांवर पोहोचला आहे.

बुलियन मार्केट या वेबसाइटनुसार, आज देशात २४ कॅरेट १० ग्रॅम सोन्याचे दर ७५,९२० रुपये आहे, तर २२ कॅरेटचे दर ६९, ५९३ रुपये आहे. याशिवाय १० ग्रॅम चांदीचे दर ९१० रुपये आहे तर १ किलो चांदी ९१,०४० रुपयांनी विकली जात आहे.
या दरवाढीमुळे मुंबई, पुणे, नाशिक, नागपूरसारख्या शहरांमध्येही सोन्या-चांदीच्या दरात बदल झाले आहेत.

पाहा तुमच्या शहरातील सोन्याचा दर

(वरील सोन्याचे दर सूचक आहेत आणि त्यात जीएसटी, टीसीएस आणि इतर करांचा समावेश नाही. अचूक दरांसाठी तुमच्या स्थानिक ज्वेलरशी संपर्क साधा.)

२२ आणि २४ कॅरेटमध्ये काय फरक आहे?

सोनेखरेदी करताना सराफाकडून असे विचारले जाते की, तुम्हाला २२ कॅरेटचे सोने खरेदी करायचे आहे की, २४ कॅरेटचे? त्यामुळे तुम्ही देखील हे जाणून घेणे आवश्यक आहे की तुम्ही खरेदी करताय ते सोनं काय शुद्धतेचं आहे.जर तुम्हाला कॅरेटबाबत माहित असेल तर ही बाब चांगली आहे आणि जर तुम्हाला माहित नसेल तर आम्ही तुम्हाला याबाबत माहिती देत आहोत.

२४ कॅरेट सोने ९९.९% शुद्ध आहे आणि २२ कॅरेट अंदाजे ९१% शुद्ध असतं. २२ कॅरेट सोन्यात तांबे, चांदी, जस्त यांसारख्या ९% इतर धातूंचे मिश्रण करून दागिने तयार केले जातात. २४ कॅरेट सोने शुद्ध असले तरी त्याचे दागिने बनवता येत नाहीत. त्यामुळे बहुतेक दुकानदार २२ कॅरेटमध्ये सोने विकतात.