Gold Silver Price : ऐन सणासुदीत सोने ७५ हजार पार, चांदीही चमकली; तुमच्या शहरात आज सोन्या-चांदीचा दर काय? वाचा

देशात आज सोन्याचे- चांदीचे दर नेमके काय आहेत? (Gold-Silver Price On 1 October 2024)

आज १ ऑक्टोबर रोजी देशात सलग दुसऱ्या दिवशी सोने- चांदीच्या दरात वाढ झाल्याचे दिसून आले.आज देशात १० ग्रॅम २४ कॅरेट सोन्याच दर ७५,७५० रुपये आहे, तर १ किलो चांदीचा दर ९१,२३० रुपये आहे. एकूण आठवड्याभराचा विचार केल्यास सोन्याच्या दरात ३०० ते ४०० रुपयांच्या दरम्यान चढ-उतार दिसून आले, पण चांदीच्या दरात आठवड्याभरात १००० रुपयांची घसरण दिसून आली.

बुलियन मार्केट या वेबसाइटनुसार,आज देशात २४ कॅरेट १० ग्रॅम सोन्याचे दर ७५,७५० रुपये आहे, तर २२ कॅरेटचे दर ६९, ४३८ रुपये आहे. याशिवाय १० ग्रॅम चांदीचे दर ९१२ रुपये आहे तर १ किलो चांदी ९१,२३० रुपयांनी विकली जात आहे. देशात सलग दुसऱ्या दिवशी सोने- चांदीचे दर वाढले आहे. यामुळे मुंबई, पुणे, नाशिक, नागपूर या शहरांमध्येही दरात वाढ झाली आहे.

आदल्या दिवशीचा म्हणजे ३० सप्टेंबर २०२४ रोजी १० ग्रॅम २४ कॅरेट सोन्याचा दर ७५, ६५० रुपये होता, तर १ किलो चांदीचा दर ९०,६८० रुपये होता.यावरुन तुमच्या लक्षात येईल की,आज सोन्या-चांदीचे दर सातत्याने कसे चढ- उतार होत आहेत.

बुलियन मार्केट वेबसाईटनुसार जाणून घेऊया तुमच्या शहरांमधील सोन्या-चांदीचे दर

(वरील सोन्याचे दर सूचक आहेत आणि त्यात जीएसटी, टीसीएस आणि इतर करांचा समावेश नाही. अचूक दरांसाठी तुमच्या स्थानिक ज्वेलरशी संपर्क साधा.)

२२ आणि २४ कॅरेटमध्ये काय फरक आहे?

सोनेखरेदी करताना सराफाकडून असे विचारले जाते की, तुम्हाला २२ कॅरेटचे सोने खरेदी करायचे आहे की, २४ कॅरेटचे? त्यामुळे तुम्ही देखील हे जाणून घेणे आवश्यक आहे की तुम्ही खरेदी करताय ते सोनं काय शुद्धतेचं आहे.जर तुम्हाला कॅरेटबाबत माहित असेल तर ही बाब चांगली आहे आणि जर तुम्हाला माहित नसेल तर आम्ही तुम्हाला याबाबत माहिती देत आहोत.

२४ कॅरेट सोने ९९.९% शुद्ध आहे आणि २२ कॅरेट अंदाजे ९१% शुद्ध असतं. २२ कॅरेट सोन्यात तांबे, चांदी, जस्त यांसारख्या ९% इतर धातूंचे मिश्रण करून दागिने तयार केले जातात. २४ कॅरेट सोने शुद्ध असले तरी त्याचे दागिने बनवता येत नाहीत. त्यामुळे बहुतेक दुकानदार २२ कॅरेटमध्ये सोने विकतात.