Gold-Silver Price Today: सोन्याच्या दरात सातत्याने चढ-उतार पाहायला मिळत आहे. पुन्हा एकदा सोन्याच्या दराने उसळी मारल्याचे पाहायला मिळाले. त्याचबरोबर, चांदीच्या दरातही वाढ झाल्याचे पाहायला मिळाले. भारतीय बाजारपेठेत सोन्याला झळाळी मिळाली आहे. ऐन लग्नासराईच्या हंगामात सोन्याचे भाव कडाडल्याने नागरिकांमध्ये चिंतेचे वातावरण पसरले आहे. चला तर जाणून घेऊया आजचे दर काय…
१० ग्रॅम २४ कॅरेट सोन्याची किंमत आज रुपये ७३,१८० असून मागील ट्रेडमध्ये ह्या मौल्यवान धातूची किंमत ७३,४४० रुपये प्रति १० ग्रॅमवर बंद झाली होती. बुलियन मार्केट या वेबसाइटनुसार, चांदी ८७,२५० रुपये प्रति किलोने विकली जात आहे. मागील ट्रेडमध्ये चांदीची किंमत ८७,३७० रुपये प्रतिकिलो होती. उत्पादन शुल्क, राज्य कर आणि मेकिंग शुल्कामुळे सोन्याच्या दागिन्यांच्या किमती भारतभर बदलतात.
बुलियन मार्केट वेबसाईटनुसार पाहा तुमच्या शहरातील सोन्याचा दर
| शहर | २२ कॅरेट सोन्याचा दर | २४ कॅरेट सोन्याचा दर |
| मुंबई | २२ कॅरेट सोन्याची किंमत प्रति १० ग्रॅम ६६,९५३ रुपये आहे. | २४ कॅरेट सोन्याची किंमत ७३,०४० प्रति १० ग्रॅम आहे. |
| पुणे | प्रति १० ग्रॅम २२ कॅरेट सोन्याचा दर ६६,९५३ रुपये आहे. | २४ कॅरेट सोन्याचा दर ७३,०४० रुपये आहे. |
| नागपूर | प्रति १० ग्रॅम २२ कॅरेट सोन्याचा दर ६६,९५३ रुपये आहे. | २४ कॅरेट सोन्याचा दर ७३,०४० रुपये इतका आहे. |
| नाशिक | प्रति १० ग्रॅम २२ कॅरेट सोन्याचा दर ६६,९५३ रुपये आहे. | २४ कॅरेट सोन्याचा दर ७३,०४० रुपये आहे. |
(वरील सोन्याचे दर सूचक आहेत आणि त्यात जीएसटी, टीसीएस आणि इतर करांचा समावेश नाही. अचूक दरांसाठी तुमच्या स्थानिक ज्वेलरशी संपर्क साधा.)
२२ आणि २४ कॅरेटमध्ये काय फरक आहे?
सोनेखरेदी करताना सराफाकडून असे विचारले जाते की तुम्हाला २२ कॅरेटचे सोने खरेदी करायचे आहे की, २४ कॅरेटचे? त्यामुळे तुम्ही देखील हे जाणून घेणे आवश्यक आहे की तुम्ही खरेदी करताय ते सोनं काय शुद्धतेचं आहे. जर तुम्हाला कॅरेटबाबत माहित असेल तर ही बाब चांगली आहे आणि जर तुम्हाला माहित नसेल तर आम्ही तुम्हाला याबाबत माहिती देत आहोत.
२४ कॅरेट सोने ९९.९% शुद्ध आहे आणि २२ कॅरेट अंदाजे ९१% शुद्ध असतं. २२ कॅरेट सोन्यात तांबे, चांदी, जस्त यांसारख्या ९% इतर धातूंचे मिश्रण करून दागिने तयार केले जातात. २४ कॅरेट सोने शुद्ध असले तरी त्याचे दागिने बनवता येत नाहीत. त्यामुळे बहुतेक दुकानदार २२ कॅरेटमध्ये सोने विकतात.
