Today’s Gold Silver Rate : देशात सोन्या-चांदीच्या दरात मोठे बदल होताना दिसत आहेत. मागील काही दिवसांपासून २४ कॅरेट सोनं थेट ८० हजारांच्या घरात पोहोचले होते तर चांदीचा दर १ लाख रुपयांपर्यंत गेला होता. पण ऐन दिवाळी सणापूर्वी सोन्या-चांदीचे दर काही अंशी घसरले आहेत. या घसरणीमुळे सोने-चांदी खरेदीसाठी गेलेल्या ग्राहकांना मोठा दिलासा मिळत आहे. पण आज तुमच्या शहरात नेमके सोन्या-चांदीचे दर काय आहेत जाणून घेऊ…
दरात आज म्हणजे २५ ऑक्टोबर रोजी २४ कॅरेट सोन्याच्या दरात २०० रुपयांची घसरण झाली आहे. तर १ किलो चांदीच्या दरात ४५० रुपयांची घसरण झाली आहे. भारतात आज १० ग्रॅम २४ कॅरेट सोन्याचे दर ७८,३३० रुपये आहे, तर १ किलो चांदीचा दर ९६,७८० रुपये आहे.
एकूण आठवड्याभराचा विचार केल्यास, सोन्याचा दर आता ७७ हजार रुपयांवरुन आज ७८ हजार रुपयांपर्यंत गेला आहे. तर १ किलो चांदीचे दरही ९५ हजार रुपयांवरुन थेट ९७ हजार रुपयांपर्यंत जाऊन पोहोचला आहे, सोनं-चांदी खरेदी येत्या काही दिवसांत असेच वाढत गेले तर ते खरेदी करणं आता सर्वसामान्य लोकांच्या आवाक्याबाहेर जाईल.
बुलियन मार्केट या वेबसाइटनुसार, आज देशात २४ कॅरेट १० ग्रॅम सोन्याचे दर ७८,३३०रुपये आहे, तर २२ कॅरेटचे दर ७१,८०३ रुपये आहे तर १ किलो चांदी ९६,७८० रुपयांनी विकली जात आहे. १० ग्रॅम चांदीचा दर ९६८ रुपये आहे.
आदल्या दिवशी म्हणजे २४ ऑक्टोबरला २४ कॅरेट १० ग्रॅम सोन्याचे दर ७८,५३० रुपये होता. याचा अर्थ आज सोन्याच्या दरात जवळपास २०० रुपयांची घसरण झाली आहे. तर १ किलो चांदीच दर ९७,२३० रुपये होता, जो आज जवळपास ४५० रुपयांनी घसरुन ९६,७८० रुपये झाला आहे.
पाहा तुमच्या शहरातील सोन्याचा दर (Gold Silver Rate Today)
बुलियन मार्केट वेबसाईटनुसार जाणून घेऊया तुमच्या शहरांमधील सोन्या-चांदीचे दर
| शहर | २२ कॅरेट सोन्याचा दर | २४ कॅरेट सोन्याचा दर |
| मुंबई | २२ कॅरेट सोन्याची किंमत प्रति १० ग्रॅम ७१,७२० रुपये आहे. | २४ कॅरेट सोन्याची किंमत ७८,२४० प्रति १० ग्रॅम आहे. |
| पुणे | प्रति १० ग्रॅम २२ कॅरेट सोन्याचा दर ७१,७२० रुपये आहे. | २४ कॅरेट सोन्याचा दर ७८,२४० रुपये आहे. |
| नागपूर | प्रति १० ग्रॅम २२ कॅरेट सोन्याचा दर ७१,७२० रुपये आहे. | २४ कॅरेट सोन्याचा दर ७८,२४० रुपये इतका आहे. |
| नाशिक | प्रति १० ग्रॅम २२ कॅरेट सोन्याचा दर ७१,७२० रुपये आहे. | २४ कॅरेट सोन्याचा दर ७८,२४० रुपये आहे. |
वरील सोन्याचे दर सूचक आहेत आणि त्यात जीएसटी, टीसीएस आणि इतर करांचा समावेश नाही. अचूक दरांसाठी तुमच्या स्थानिक ज्वेलरशी संपर्क साधा.)
२२ आणि २४ कॅरेटमध्ये काय फरक आहे?
सोनेखरेदी करताना सराफाकडून असे विचारले जाते की, तुम्हाला २२ कॅरेटचे सोने खरेदी करायचे आहे की, २४ कॅरेटचे? त्यामुळे तुम्ही देखील हे जाणून घेणे आवश्यक आहे की तुम्ही खरेदी करताय ते सोनं काय शुद्धतेचं आहे.जर तुम्हाला कॅरेटबाबत माहित असेल तर ही बाब चांगली आहे आणि जर तुम्हाला माहित नसेल तर आम्ही तुम्हाला याबाबत माहिती देत आहोत.
