SBI Chairman: स्टेट बँक ऑफ इंडिया (SBI) देशातील सर्वात मोठी सार्वजनिक क्षेत्रातील बँक असून, सध्याचे अध्यक्ष दिनेश खारा यांच्या हातातच तिची सूत्रे राहणार आहेत. केंद्र सरकारने SBI चेअरमन दिनेश खारा यांचा कार्यकाळ पुढील वर्षी म्हणजेच ऑगस्ट २०२४ पर्यंत वाढवला आहे. दिनेश खरा यांचा कार्यकाळ पुढील वर्षी त्यांच्या वयाच्या ६३ वर्षांपर्यंत वाढवण्यात आला आहे.
दिनेश खारा हे SBI चे अध्यक्ष राहणार
रॉयटर्सच्या वृत्तानुसार, दिनेश खारा सध्या देशातील सर्वात मोठ्या कर्जदार एसबीआयचा पदभार स्वीकारणार आहेत. त्यांची नियुक्ती ७ ऑक्टोबर २०२० रोजी तीन वर्षांसाठी झाली होती आणि त्यांचा कार्यकाळ ७ ऑक्टोबर २०२३ रोजी संपत होता, परंतु तो ऑगस्ट २०२४ पर्यंत वाढवण्यात आला आहे. नियमांनुसार, SBI चे अध्यक्षपद वयाच्या ६३ वर्षांपर्यंत असू शकते. दिनेश खारा पुढील वर्षी ६३ वर्षांचे होणार आहेत.
हेही वाचाः व्हेज थाळी १७ टक्क्यांनी झाली स्वस्त, CRISIL ने सांगितले ‘हे’ कारण
अर्थ मंत्रालयाकडून सध्या कोणतेही उत्तर नाही
याबाबत केंद्र सरकार लवकरच आदेश जारी करू शकते, असे सूत्रांचे म्हणणे आहे. केंद्रीय अर्थ मंत्रालय आणि केंद्र सरकारने या संदर्भात पाठवलेल्या टिप्पण्यांवर कोणतेही उत्तर दिलेले नसले तरी लवकरच या संदर्भात आदेश जारी केला जाऊ शकतो. दिनेश खारा यांनी आज एका कार्यक्रमात सांगितले की, बँक भविष्यात सामाजिक सुरक्षा योजनांतर्गत नावनोंदणी, खाते उघडणे आणि कार्ड-आधारित सेवा सुरू करण्याचा विचार करीत आहे.
दिनेश खारा यांच्या कार्यकाळात एसबीआयने उत्कृष्ट विकास साधला
दिनेश खारा यांच्या कार्यकाळात स्टेट बँक ऑफ इंडियाने चांगली बँकिंग कामे केली आहेत आणि मजबूत व्यावसायिक परिणाम दाखवले आहेत. संपूर्ण आर्थिक वर्ष २०२३ साठी SBI ने ५०,२३२ कोटी रुपयांचा निव्वळ नफा कमावला आहे, जो वार्षिक आधारावर ५८.५ टक्के वाढ दाखवतो. एका आर्थिक वर्षात SBI ला ५० हजार कोटींहून अधिक नफा कमावण्याची ही पहिलीच वेळ आहे.