वस्तू व सेवा कर संकलनात घट ; नोव्हेंबरमध्ये १.४५ लाख कोटी जमा

ऑक्टोबर महिन्यात सणासुदीचे दिवस असल्यामुळे जीएसटी संकलन तब्बल १.५२ लाख कोटींच्या घरात गेले होते. त्या तुलनेत नोव्हेंबरमध्ये महिन्यात १,४५,८६७ कोटींचे महसुली उत्पन्न मिळाले असताना नोव्हेंबर २०२१च्या तुलनेत मात्र १०.९ टक्क्यांची वाढ झाली आहे. नोव्हेंबर २०२१मध्ये १.३२ लाख कोटी कर संकलित झाला होता. चालू वर्षांत मार्च महिन्यापासून जीएसटी संकलन हे निरंतर १.४० लाख कोटी रुपयांपेक्षा अधिक राहिले आहे. नोव्हेंबरमधील जीएसटी महसुलामध्ये केंद्रीय जीएसटीपोटी रक्कम २५,६८१ कोटी रुपये, राज्य जीएसटी म्हणून ३२,६५१ कोटी रुपये आणि एकात्मिक जीएसटीपोटी ७७,१०३ कोटी रुपये (आयात वस्तूंवर मिळालेल्या ३८,६३५ कोटी रुपयांसह) आले आहेत, तर उपकर संकलनाची रक्कम १०,४३३ कोटी (आयातीवर मिळालेल्या ८१७ कोटी रुपयांसह) रुपयांचा वाटा असल्याचे अर्थ मंत्रालयाने दिलेल्या निवेदनात नमूद केले आहे.

आणखी वाचा

पालिकेच्या अर्थसंकल्पाला मालमत्ता कराचा हात; १२५० कोटींनी उद्दिष्ट वाढले; ७५ टक्के मालमत्ता कर वसूल

Malasian Airlines: बेपत्ता MH370 चा शोध; पुण्यातील प्रल्हाद…

सोलापुरात ६२०.८० कोटींपैकी दहा महिन्यांत केवळ २३३.४५ कोटी खर्च; विकास आराखड्याला मर्यादा, निवडणूक आचारसंहितेचाही फटका

सरकारी मालकीच्या ऊर्जा क्षेत्रातील कंपनीकडून भागधारकांना घसघशीत लाभांशाची घोषणा

दुप्पट नफ्याचे आमिष दाखवत व्यापाऱ्यासह अनेकांना दोन कोटीचा गंडा

मतदारवाढ अनाकलनीय; काँग्रेसच्या सांख्यिकी विश्लेषण विभागाचे अध्यक्ष प्रवीण चक्रवर्ती यांचा आरोप

‘यूको बँके’चा नफा २७ टक्के वाढीसह ६३९ कोटींवर

झटपट पैसा कमावण्याच्या आमिषाने ४० लाखांस गंडा

दुसरीकडे महाराष्ट्रात ऑक्टोबरमध्ये २३ हजार कोटींपेक्षा अधिक कर जमा झाला होता. नोव्हेंबमध्ये त्यात सुमारे दीड हजार कोटींची घट होऊन २१,६११ कोटींचे कर संकलन झाले आहे. ऑक्टोबरमध्ये सणांमुळे संकलन वाढले होते, मात्र राज्याची सरासरी ही २१ हजार कोटींच्या आसपास असल्याचे वित्त विभागाच्या अधिकाऱ्यांकडून सांगण्यात आले. देशात संकलनात महाराष्ट्र सर्वाधिक आघाडीवरील राज्य आहे. दुसऱ्या क्रमांकावर असलेल्या कर्नाटकपेक्षा (१०,२३८ कोटी) महाराष्ट्राचे संकलन दुप्पट असल्याकडे अधिकाऱ्यांनी लक्ष वेधले. देशांतर्गत आर्थिक विकास दर कमी झाल्याचे परिणाम राज्यातही उमटल्याचा अंदाज त्यांनी वर्तविला.

आठ महिन्यांत ११.८८ लाख कोटी

चालू आर्थिक वर्षांत दोनदा एकूण संकलन दीड लाख कोटी रुपयांपेक्षा अधिक राहिले आहे. एप्रिल २०२२ मध्ये एकूण १.६७ लाख कोटी रुपयांचे तर ऑक्टोबरमध्ये १.५२ लाख कोटी रुपयांचे जीएसटी संकलन झाले. चालू २०२२-२३ या आर्थिक वर्षांच्या एप्रिल ते नोव्हेंबर या आठ महिन्यांत केंद्र सरकारला जीएसटीच्या माध्यमातून ११.८८ लाख कोटींचा महसूल प्राप्त झाला आहे.

महाराष्ट्रात ६ टक्के घट

महाराष्ट्रात नोव्हेंबर महिन्यात २१,६११ कोटींचे कर संकलन झाले आहे. गेल्या महिन्यात राज्यात जीएसटीमधून २३ हजार कोटींपेक्षा अधिक महसूल जमा झाला होता. त्या तुलनेत सुमारे दीड हजार कोटी, म्हणजे सहा टक्क्यांची घट नोंदविली गेली आहे.

राज्यातील      संकलन

एप्रिल         २७,४९५ कोटी

मे           २०,३१३ कोटी

जून          २२,३४१ कोटी

जुलै          २२,१२९ कोटी

ऑगस्ट       १८,८६३ कोटी

सप्टेंबर       २१,४०३ कोटी

ऑक्टोबर       २३,०३७ कोटी

नोव्हेंबर       २१,६११ कोटी